Arthur J. Rees

Arthur John Rees (fødd 23. september 1872 i Melbourne i Australia, død 22. november 1942 i West Sussex i Storbritannia) var ein australsk forfattar av kriminal- og fantasybøker.

Arthur John Rees
Nasjonalitet	britisk/australsk
Statsborgarskap	Australia
Fødd	23. september 1872 Melbourne i Australia
Død	22. november 1942 (70 år) West Sussex i Storbritannia
Yrke	Forfattar/journalist
Periode	1913-1940
Sjanger	Kriminallitteratur, fantasy-litteratur
Debut	1913

Liv og virke

Arthur J. Rees vart fødd i forstaden St. Kilda i Melbourne i Australia, og var ei kort tid journalist i avisa The Age i heimbyen før han utvandra til New Zealand og fekk arbeid i staben til The New Zealand Herald. Han flytta til England i 1911.^[1] Under den første verdskrigen var han korrespondent for London Times, så flytta han permanent til London på 1920-talet og skreiv regelmessig artiklar for Evening Standard. Rees budde siste del av livet i Worthing i West Sussex, der han døydde i 1942.^[1]

I 1913 gav han ut den første boka si, ein eventyrroman, The Merry Marauders, som skildrar ein uhellsråka omreisande teatertrupp på New Zealand først på 1900-talet.^[2] I 1916 kom den første av to kriminalromanar han skreiv i samarbeid med John Rea Watson, og med inspektør Crewe som hovudpersonen.

Deretter skreiv han åleine fleire detektivseriar. David Colwyn, ein anglo-amerikansk privatetterforskar, er hovudpersonen i mystiske skrekkforteljingar, som The Shrieking Pit (1919), ei forteljing som er stadsett i ein liten isolert hamneby i Norfolk.

Dei åtte sakene til inspektør Lucraft i Scotland Yard er sette opp i den meir konvensjonelle «kven gjorde det»-stilen. I Simon of Hangletree (1926) møter Luckraft karakteren Colwin Gray, som sjølv er helten i to romanar og i ei samling på ti noveller. Somme av bøkene hans er omsette til tysk og fransk.^[3]

Bibliografi

^[4]

Politiserien, inspektør Crewe:

• The Hampstead Mystery (1916), i samarbeid med John Rea Watson.
• The Mystery of the Downs (1918), i samarbeid med John Rea Watson.

David Colwyn detektiv-serie:

• The Shrieking Pit (1919)
• The Hand in the Dark (1920)

Politiserien, inspektør Luckraft:

• Island of Destiny (1923)
• Simon of Hangletree (1926), karakteren Colwin Gray viser seg første gong i denne romanen.
• The Pavilion by the Lake (1930)
• The Tragedy of Twelvetrees (1931)
• The River Mystery (1932)
• Aldringham's Last Chance (1933)
• The Corpse That Traveled (1938)
• The Single Clue (1940)

Politiserien, Colwin Gray:

• The Threshold of Fear (1925)
• Greymarsh (1927)

Andre romanar:

• The Merry Marauders (1913)
• The Moon Rock (1922)
• Cup of Silence (1924)
• The Unquenchable Flame (1926)
• The Finger of Death (1926)
• Love Me Anise (1928)
• The Brink (1931)
• The Swaying Rock (1931)
• Peak House eller Mystery at Peak House (1933)
• The Flying Argosy (1934)

Novellesamling: The Investigations of Colwin Grey (1932)

Andre utgjevingar

• Old Sussex and Her Diarists(1929)