Aserbajdsjanarar

Aserbajdsjanarar (eiga nemning Azərbaycanlılar, Azərbaycan Türkləri) er eit tyrkisk folkeslag. Dei bur stort sett i Nordvest-Iran og i Aserbajdsjan. Dei bur òg i mindre tal i det austre Tyrkia, i Dagestan (der dei blir kalla «derbent-turkmenarar») og i Georgia (der dei blir kalla «tatarar»).

Utbreiinga av aserbajdsjansk. ██ Område der aserbajsajansk er majoritetsspråk ██ Område der aserbajsajansk er språket til ein større majoritet.

Folkegruppa vart tidlegare rekna til «turko-tatarene» (som også høyrde til dei tyrkiske folkeslaga) og i tråd med dette vart dei kalla kaukasus-tatarer, men også turkmenarar.

Religion

I motsetnad til dei andre muslimske tyrkarfolka i regionen vedkjenner dei fleste aserbajdsjanarar seg til sjiaislam og ikkje til sunni-retninga av islam. På grunn av dette skil ein i Tyrkia mellom Tyrkia-tyrkarar og Aserbajdsjan-tyrkarar (tyrkisk Şii türkler).

Tal

På verdsbasis finst det cirka 35–45 millionar aserbajdsjanarar. Rundt 8,5 millionar av dei bur i Aserbajdsjan og 23,5 millionar i Iran.^[1] 24 % av innbyggjarane i Iran er aserbajdsjanarar.

Over 300 000 aserbajdsjanarar bur i Georgia og 282 700 i Russland, og dessutan bur over 860 000 i dei andre tidlegare sovjetrepublikkane. I Armenia bur det rundt 84 000 aserbajdsjanarar, medan det bur 78 000 i Kasakhstan. I Tyrkia bur det rundt 530 000 aserbajdsjanarar i provinsen Kars.

4 000 aserbajdsjanarar bur òg i Jordan og 30 000 i Syria, der dei hovudsakleg blir kalla «tyrkarar» eller «turkmenarar».

Den irakiske folkegruppa på 180 000 menneske som blir kalla «turkmenarar», høyrer språkleg inn under aserbajdsjanarane.

Galleri

• 
  Den aserbajdsjanske diktaren Khurshidbanu Natavan (1832-1897) med son og dotter i 1897.
• 
  Aserbajdsjansk familie i 1906
• 
  Aserbajdsjansk familie tidleg på 1900-talet
• 
  Aserbajdsjansk gut og jente under navroz i Baku i 2010.
• 
  Aserbajdsjansk familie i 2013