Aust-Anatolia

Aust-Anatolia (tyrkisk Doğu Anadolu Bölgesi ) er ein av sju regionar i Tyrkia og består av dei austlegaste provinsane i landet.

Aust-Anatolia
region
Land	Tyrkia
Areal	165 436 km²
Folketal	6 100 000
Aust-Anatolia 40°N 42°E / 40; 42
Kart som viser Aust-Anatolia. Kart som viser Aust-Anatolia.
Wikimedia Commons: Eastern Anatolia Region

Regionen og namnet Doğu Anadolu Bölgesi vart først definert av Den første geografikongressen i 1941. Regionen har den høgaste gjennomsnittshøgda i Tyrkia, er størst i utstrekning og har lågast folketettleik av alle regionane i Tyrkia. Ein del av regionen vart tidlegare kalla Det armenske høglandet, eller berre Armenia.^[1][2]

Aust-Anatolia ligg heilt aust i Tyrkia og grensar til Sentral-Anatolia i vest, Svartehavsregionen i nord, Søraust-Anatolia og Irak i sør og Iran, Aserbajdsjan, Armenia og Georgia i aust.

Regionen dekkjer 171 061 km², 21% av det totale arealet til Tyrkia. Det bur totalt kring 6,1 millionar innbyggjarar i regionen.

Provinsar

Aust-Anatolia.

• Provinsen Ağrı
• Provinsen Ardahan
• Provinsen Bingöl
• Provinsen Bitlis
• Provinsen Elazığ
• Provinsen Erzincan
• Provinsen Erzurum
• Provinsen Hakkari
• Provinsen Iğdır
• Provinsen Kars
• Provinsen Malatya
• Provinsen Muş
• Provinsen Tunceli
• Provinsen Van

Geografi

Gjennomsnitthøgda i regionen er 2200 meter med store sletter, platå og massiv. Det er noko vulkansk aktivitet i regionen. Det høgaste fjellet i Tyrkia, Ararat, ligg i denne regionen. Det same gjer dei andre vulkanane Nemrut, Süphan og Tendürek. Den største innsjøen i Tyrkia, Vansjøen, ligg òg i regionen.

Galleri

• 
  Ararat frå Iğdır
• 
  Erzurum
• 
  Çifte Minareli Medrese er eit monument frå seint i seldsjukkperioden i den tyrkiske byen Erzurum
• 
  Monumentet til Nene Hatun i Erzurum
• 
  Bingöl
• 
  Kars
• 
  Akdamarøya og Den armenske katedralen av Den heilage krossen, ei armensk kyrkje frå 900-talet.
• 
  Sentrum av Kars
• 
  Malatya İnönü Stadium