Avaldsnes idrettslag

Avaldsnes Idrettslag (skipa 16. juni 1937) er eit idrettslag frå Avaldsnes på Karmøy. Medlemstalet per 31. desember 2012 var 818. Klubben held til ved Avaldsnes Idrettssenter, og spelar heimekampane på «Skeie», også kalla «Nye bana».

Avaldsnes

Fullt namn	Avaldsnes idrettslag
Kort namn	AIL
Grunnlagd	16. juni 1937
Heimebane	«Skeie»
Styreleiar	Helge Sylfest Gaard
Liga	Toppserien
Toppserien 2013	4
Nettstad	Heimeside
Noverande sesong

Idrettsanlegget på Skeie, som ligg 1 km vest for riksveg 47 ved Avaldsnes sentrum, inneheld følgjande: to store grasbaner, éi stor kunstgrasbane med flomlys, to grasløkker (fire 7'ar-baner), éi grusløkke med flaumlys, to klubbhus, éin ballbinge og éin sandvolleyballbane.

AIL har både fotball- og handballavdeling, samt ei avdeling for born; Idrettsskolen, og ei avdeling for ski/trim. Idrettsskolen har 200 born i alderen 5-10 år, medan ski/trim har tre aktive utøvarar i langrenn (Einar Vikingstad, med fleire VM-gull i klassen over 50 år) og 40 aktive i trimgrupper.

Fotball

Fotballavdelinga har i sesongen 2013 24 lag, med totalt ca. 250 aktive spelarar, trenarar og leiarar og med damenes elitelag som flaggskip.

Damer Elite

Elitelaget spelar i Toppserien f.o.m. sesongen 2013 etter å ha rykka opp med ein klår siger i 1. divisjon i 2012. Dei er det første laget frå Karmøy som har spela i den øvste divisjonen. I 2013 vart laget nummer 4 i Toppserien og tok seg heilt fram til cupfinalen, der dei tapte mot Stabæk.

Cecilie Pedersen er den mest kjende spelaren på laget og har fleire landskampar på A-landslaget, inkludert EM i Finland i 2009. I tillegg har laget etter opprykket i 2012-sesongen henta fleire gode utanlandske spelarar, deriblant tre brasilianske landslagsspelarar, med eit mål om å etablere seg i Toppserien.^[1]

Spelarstall

Endra 17. august 2020^[2]

Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 1 MV Louise Alexandra Högrell 12 MV Victoria Esson 31 Synne Danielsen 2 F Clare Polkinghorne 3 F Oda Arnesen 4 F Nathalie Utvik 5 F Robyn Decker 13 F Maria Min Xiu Sørenes 17 F Hanna Dahl 19 Selma Løvås 26 F Trine Karin Øritzland 27 Kaja Olsen 30 Ane Askelund Sævereid

Nr. Posisjon Spelar 6 M Olaug Tvedten 9 M Katrina Gorry 10 M Andrea Norheim 14 M Marthe Enlid 15 Irene Dirdal 24 M Ylinn Tennebø 25 M Madelen Hernar 11 A Elise Thorsnes 16 A Anna Langås Jøsendal 18 A Kristina Svandal 20 A Rasheedat Ajibade 28 M Sandra Østenstad 29 A Viktoria Sørensen

Menn

A-laget spelar i 4. divisjon etter å ha rykka ned frå 3. divisjon i 2012. Før dette hadde laget spela i 3. divisjon frå 2005 til 2010, og i 4. divisjon sesongen 2011.

Handball

Handballavdelinga, som held til i Håvikhallen på Håvik, har 22 lag med ca. 300 aktive spelarar, leiarar og trenarar.

Kjende utøvarar

• Cecilie Pedersen, fotball
• Rosana dos Santos Augusto Rosana