Averser Rhinen

Averser Rhinen (tysk Averser Rhein, retoromansk Ragn da Ferrera) er ei sideelv til Hinterrhein i sveitsiske kantonen Graubünden.

Averser Rhinen
elv
Averser Rhinen i Val Ferreradalen, litografi frå 1827
Land	Sveits
Kanton	Graubünden
Tilløp
•  venstre	Bergalgabach
•  høgre	Jufer Rhind
Nedslagsfelt	261 km²
Vassføring
•  middel	11,5 m³/s
Kjelde	Samløpet til Bergalgabach og Jufer Rhinen
•  høgd	2 500 moh.
- koordinatar	46°24′3″N 9°32′56″E
Munning	Hinterrhein
- stad	i Andeer
- koordinatar	46°34′59″N 9°25′20″E
Averser Rhinen 46.5831°N 9.42222°E / 46.5831; 9.42222
Wikimedia Commons: Averser Rhein

Løp

Kjelda til Jufer Rhinen ved Juf, den høgastliggande permanent busette busetnaden i Europa.

Elva spring ut i Avers ved samløpet mellom Bergalgabach og den mindre Jufer Rhinen. Jufer Rhinen spring ut i, og er kalla opp etter, Juf, den høgastliggande permanent busette busetnaden i Europa, nær grensa til Albula. Frå kjelda renn Averser Rhinen med gjennom ei djup kløft, der den 80 meter høge Lezibrua kryssar. Ved botnen av dalen, møter ho den noko mindre Madrish Rhinen.

Etter nokre kilometer møter ho frå venstre Reno di Lei, som nesten berre renn over italiensk jord. Lago di Lei-reservoaret ligg òg på italiensk side, bortsett frå demninga som har skapt reservoaret, som står på sveitsisk side.

Averser Rhinen held fram gjennom Val Ferrera-dalen. Her ligg den øvre landsbyen Innerferrera (retoromansk Calantgil), der elva er demd opp, og dannar Innerferrerareservoaret sidan 1961. Nedanfor ligg Ausserferrera (retoromansk Farera), der bredalen er omgjeven av bratte heng. Averser Rhinen munnar ut i Hinterrhein i Roflaschlucht oppfor Andeer.

Vegen i Ferraradalen er ein [[blindveg].

Sideelvar

Sideelvar frå venstre^[1]

• Bergalgabach (største kjelda til Averser Rhinen)
• Madrish Rhinen (retoromansk Ägua da Madris)
• Reno di Lei
• Ual da Niemet

Sideelvar frå høgre^[1]

• Jufer Rhinen
• Maleggabach
• Ava da Starlera
• Ava da Mulegn
• Aua Granda