Børge Brende

Børge Brende (fødd 25. september 1965 i Odda) er ein norsk tidlegare politikar for Høgre. Han var utanriksminister i regjeringa Solberg frå 2013 til 2017.^[1] Brende har sidan den 23. oktober 2017 vore president for World Economic Forum (WEF).^[2][3]

Børge Brende
Fødd	25. september 1965 (59 år) Odda kommune
Statsborgar av	Noreg
Parti	Høgre
Yrke	politikar, diplomat
Utdanna ved	Noregs teknisk-naturvitskaplege universitet
Verv	Norsk utanriksminister 16. oktober 2013–20. oktober 2017
Føregangar	Espen Barth Eide
Etterfylgjar	Ine Marie Eriksen Søreide
Verv	Norsk nærings- og handelsminister 18. juni 2004–17. oktober 2005
Føregangar	Ansgar Gabrielsen
Etterfylgjar	Odd Eriksen
Verv	Norsk miljøvernminister 19. oktober 2001–18. juni 2004
Føregangar	Siri Bjerke
Etterfylgjar	Knut Arild Hareide
Verv	Stortingsrepresentant 1. oktober 1997–30. september 2009
Verv	1. nestleiar i Høgre 10. april 1994–29. mars 1998
Føregangar	John G. Bernander
Etterfylgjar	Inge Lønning
Alle verv	stortingsrepresentant (1997–2001) Norsk utanriksminister (2013–2017) vararepresentant til Stortinget (1989–1993) Norsk miljøvernminister (2001–2004) Norges næringsminister (2004–2005) vararepresentant til Stortinget (1993–1997) stortingsrepresentant (2001–2005) stortingsrepresentant (2005–2009)

Bakgrunn

Børge Brende er utdanna Cand. mag. med mellomfag i historie. Frå 1990 til 1992 var han tilsett som økonomisjef i Brende-entreprenør AS.

Politikk

Frå 1988 til 1990 var Børge Brende leiar for Unge Høgre. Etter det var han frå 1991 til 1997 medlem av formannskapet og kommunalrådet i Trondheim. Han var vararepresentant på Stortinget i periodane 1989–1993 og 1993–1997, og blei vald inn som stortingsrepresentant for Sør-Trøndelag i 1997, 2001 og 2005.

Brende var med i regjeringa Bondevik II, først som miljøvernminister (2001–2004) og deretter som nærings- og handelsminister (2004–2005).^[4][5] I 2013 blei han ny utanriksminister for Solberg-regjeringa.

Brende var nestleiar i Europabevegelsen (1991–1992) og var leiar av SN-kommisjonen for berekraftig utvikling (2003–2004).

Regjeringar

• 2001–2004: Statsråd for Miljøverndepartementet
• 2004–2005: Statsråd for Nærings- og handelsdepartementet
• 2013–2017: Statsråd for Utanriksdepartementet^[1]

Stortingskomitéar

• 1997–2001: medlem i Finanskomitéen
• 2005–2009: første nestleiar i Energi- og miljøkomiteen

Prisar og utmerkingar

Børge Brende blei utnemnd til kommandør av St. Olavs Orden for hans embetsteneste.^[6]