Balfouria

Balfouria (hebraisk בַּלפוּרְיָה) er ein moshav nord i Israel, sør for Nasaret. Han ligg nær Afula og høyrer til Jezreeldalen regionale kommune. I 2006 hadde han eit folketal på 312.

Jezreeldalen

Balfouria
בַּלפוּרְיָה
kibbutz
Balfouria
Land	Israel
Distrikt	Nord
Kommune	Jezreeldalen
Koordinatar	32°37′48.72″N 35°17′46.68″E
Folketal	312  (2006)
Grunnlagd	1922
•  Grunnlagd av	American Zion Commonwealth
Tilhøyrsle	Moshavrørsla
Balfouria 32.6302°N 35.2963°E / 32.6302; 35.2963
Kart som viser Balfouria. Kart som viser Balfouria.
Wikimedia Commons: Balfouria

Historie

Dei første nybyggjarane samla seg i 1919 og byrja opplæring for å kunne starte eit jordbrukssamfunn. Det vart kjøpt eit landområde med hjelp av American Zion Commonwealth og Keren Hayesod skaffa utstyr. Moshaven vart grunnlagd i 1922, som den tredje i Palestina, og vart kalla opp etter Arthur Balfour, som skreiv Balfour-erklæringa, som var open for planane til sionistane om å danne ein jødisk «nasjonalheim». I følgje Jewish National Fund i 1949 var Balfouria den første landsbyen som vart grunnlagd i Palestina etter Balfour-erklæringa.^[1]

Grunnleggjarane fekk med seg tidlegare kibbutz-medlemmar, og fleire frå Merhavia fellesbusetnad, i tillegg til mange nybyggjarar frå Petah Tikva. Husa og låvane vart betalte av the Commonwealth og var av betong med spontak, og nybyggjarane i Balfouria vart derfor kalla «millionærane». Lord Balfour vitja moshaven i 1925.

I 1939 vart landområdet til moshaven overført til Jewish National Fund. I 1934 var nybyggjarane ferdig med å grave ein ny brunn som gav betre vilkår for jordbruket i området.