Ball of Confusion (That's What the World Is Today)

«Ball of Confusion (That's What the World Is Today)» er ein song frå 1970 av The Temptations. Han vart gjeven ut på Gordy-etiketten til Motown og er skriven av Norman Whitfield og Barrett Strong.

Ball of Confusion (That's What the World is Today) Singel av The Temptations frå albumet Greatest Hits II
B-side	«It's Summer»
Utgjeve	7. mai 1970
Innspelt	Hitsville USA (Studio A); 12. og 14. april 1970
Sjanger	Psykedelisk soul
Lengd	4:06
Selskap	GordyG 7099
Låtskrivar(ar)	Norman Whitfield Barrett Strong
Produsent	Norman Whitfield
The Temptations-kronologi
«Psychedelic Shack» (1969)	Ball of Confusion (That's What the World is Today)	«Ungena Za Ulimwengu (Unite the World)» (1970)

Ball of Confusion Singel av Tina Turner frå albumet B.E.F.: Music of Quality And Distinction Volume One
B-side	«Ball of Confusion» (instrumental)
Utgjeve	1982
Innspelt	1982
Sjanger	Pop/R&B
Lengd	3:50
Selskap	Virgin
Låtskrivar(ar)	Norman Whitfield Barrett Strong
Produsent	Martyn Ware
Tina Turner-kronologi
«Music Keeps Me Dancin'» (1979)	Ball of Confusion	«Let's Stay Together» (1983)

Ball of Confusion Singel av Love and Rockets
B-side	«Inside the Outside»
Utgjeve	1985
Sjanger	Alternative rock
Selskap	Beggars Banquet
Love and Rockets-kronologi
«If There's a Heaven Above" (1985)	Ball of Confusion	«Kundalini Express" (1986)

Songen vart same året gjeven ut på Greatest Hits II. Singelen nådde tredjeplassen på den amerikanske poplista og andreplassen på R&B-lista. Billboard rangerte singelen som den 24. beste i 1970.^[1]

Medverkande

• Solovokal av Dennis Edwards, Eddie Kendricks, Paul Williams og Melvin Franklin
• Korvokal av Dennis Edwards, Eddie Kendricks, Paul Williams, Melvin Franklin og Otis Williams
• Produsert av Norman Whitfield
• Instrument av The Funk Brothers

Tina Turner-versjonen

«Ball of Confusion» spelar indirekte ei viktig rolle i karrieren til Tina Turner. Innspelinga hennar av songen kom med på albumet Music of Quality And Distinction Volume One i 1982, ei hyllest av B.E.F. (British Electric Foundation) med medlemmar frå New Romantic-bandet Heaven 17 og fleire gjestevokalistar som song hittar frå 1960- og 1970-åra, av dei Sandie Shaw, Paul Jones, Billy Mackenzie, Paula Yates og Gary Glitter.

Den synth-drivne versjonen til Turner av «Ball of Confusion» opna albumet og vart gjeven ut som singel. Singelen nådde femteplassen i NOreg, og dette førte til at Capitol Records signerte kontrakt med Turner. Dei fekk Martyn Ware og Ian Craig Marsh til å spele inn ein annan 70-tals låt med ho seint i 1983, Al Green sin «Let's Stay Together» som vart ein overraskande hit på begge sider av Atlanteren og utgangspunktet for comebacket til Turner med oppfølgjaralbumet Private Dancer i 1984.

Turner spelte inn fleire coverversjonar med Heaven 17/B.E.F., som David Bowie sin «1984» (på Private Dancer), Sam Cooke sin «A Change Is Gonna Come» (på Music of Quality And Distinction Volume Two), Cooke sin «Having A Party» og Al Green sin «Take Me to the River».

Då albumet Music of Quality And Distinction Volume One vart gjeve ut på CD tidleg i 1990-åra, inneheld det ein oppdatert miks av Turner sin «Ball of Confusion». Denne versjonen vart så gjeven ut i CD-boksen hennar The Collected Recordings - Sixties to Nineties i 1994.

Versjonar og miksar

• Albumversjonen/7" Mix - 3:20
• 7" Instrumental - 3:20
• 1991 B.E.F. Remix - 4:11

Lister

Liste	Plassering
Noreg	5[2]