Balta

Balta (norrønt Baltey) er ei øy i Shetlandsøyane. Øya er ikkje folksett og ligg austom Unst, som er den nordlegaste av dei større Shetlandsøyane. Mellom Unst og Balta ligg Baltasundet. Balta har eit areal på 0,8 km².

Balta
Strand sørvest på Balta. Foto: Mike Pennington
Geografi
Stad	Nordsjøen
Koordinatar	60°45′N 0°47′W
Øygruppe	Shetlandsøyane
Areal	0,8 km²
Høgaste punkt	Muckle Head (44 moh.)
Administrasjon
Land	Skottland i Storbritannia
Region	Shetlandsøyane

På austsida av øya er det ein naturleg boge som er forma av erosjon. Av fortidsminne har øya ruinane etter eit skotsk rundhus frå jarnalderen (broch) og etter eit kapell frå den norske kolonitida vigsla heilage Sunniva. Det finst ingen oppføringar i samband med folketeljingar som tyder på at det har budd folk på øya i nyare tid.^[1]

I 1895 vart det sett opp eit fyrtårn på sørspissen av øya. Det var i betong og teikna av David A. Stevenson. Dette tårnet vart rive i 2003 og erstatta av eit mindre tårn med solenergidriven ljoskjelde.^[2]