Bernhard Schlink

Bernhard Schlink (fødd 6. juli 1944 i Großdornberg i Bielefeld) er ein tysk jurist, professor i rettsvitskap og forfattar. Han er mest kjend for romanen Der Vorleser (på norsk Høytleseren), som vart ein internasjonal bestseljar.

Bernhard Schlink
Nasjonalitet	Tysk
Statsborgarskap	Tyskland
Fødd	6. juli 1944 (81 år) Großdornberg i Bielefeld
Yrke	Forfattar, professor (juss), dommar
Periode	1987-
Politisk parti	Sozialdemokratische Partei Deutschlands
Sjanger	Kriminallitteratur, fiksjon, faglitteratur
Medlem av	PEN Tyskland
Far	Edmund Schlink
Debut	Selbs Justiz, 1987
Bernhard Schlink på Commons

Barndom og oppvekst

Schlink vart fødd i Bethel i Tyskland, faren,Edmund Schlink, var tysk, mora kom frå Sveits. Bernhard var den yngste av fire søsken. Faren var professor i teologi i Heidelberg, men mista denne stillingen under nazismen, og måtte arbeida som prest i staden. Bernhard Schlink voks opp i Heidelberg frå han var to år gammal.

Juridisk arbeid

Schlink studerte juss ved Ruprecht-Karls-Universität Heidelberg og ved Freie Universität Berlin, og vart uteksaminert i 1968^[1] Frå 1982 til 1991 var han professor i offentleg rett ved Rheinische Friedrich-Wilhelms Universitet i Bonn, og 1991 til 1992, professor i offentleg rett, sosial lov og juridisk filosofi ved Johann Wolfgang Goethe-universitetet i Frankfurt am Main. Frå 1992 til 2009 var han professor i offentleg rett og rettsfilosofi ved Humboldt-Universität zu Berlin. Frå 1987 til 2006 var Bernhard Schlink dommar i konstitusjonsdomstolen i staten Nordrhein-Westfalen i Münster. Han drog seg attende i 2006.

Forfattar

Forfattarkarrièren tok til med detektivromanen Selbs Justiz i 1987, som han skreiv saman med Walter Popp. Hovudpersonen her er den aldrande detektiven Gerhard Selb, eit ordspel med det tyske ordet for «sjølv», selb. Selb opptrer i tre bøker, «Selb-triologien», ingen av desse omsette til norsk. I denne første romanen får Selb eit oppdrag som fører han attende til si eiga fortid som aktor under nasjonalsosialismen.^[2] I 1995 gav Schlink ut Der Vorleser (Høytleseren), ein roman om ein tenåring som har ein affære med ei kvinne i tretti-åra som brått vert borte, men som han møter att seinare, då han som som jus-student vitjar ei rettssak om krigsbrotsverk.

Boka vart ein bestseljar både i Tyskland og USA, og vart omsett til 39 språk. Det var den første tyske boka som nådde førsteplassen på bestseljarlista til New York Times. I 1997 vann romanen Hans-Fallada-Preiz, ein tysk litteraturpris, og Prix Laure Bataillon for verk omsette til fransk. I 1999 fekk han avisa Die Welt sin WELT - Literaturpreis.

Schlink byter no på å bu i New York og Berlin^[3]

Bibliografi

Juridiske fagbøker

• Grundrechte. Staatsrecht II. saman med Bodo Pieroth, 27. Aufl., C.F. Müller, Heidelberg 2011, ISBN 978-3-8114-9812-9
• Polizei- und Ordnungsrecht mit Versammlungsrecht. saman med Michael Kniesel og Bodo Pieroth, 6. Aufl., C.H. Beck, München 2010, ISBN 978-3-406-60952-7

Fiksjon

• 1987 Selbs Justiz. (saman med Walter Popp), ISBN 3-257-21543-6
• 1988 Die gordische Schleife. Kriminalroman, ISBN 3-257-21668-8
• 1992 Selbs Betrug. ISBN 3-257-22706-X
• 1995 Der Vorleser. ISBN 3-257-22953-4 På norsk: Høytleseren (Gyldendal) ISBN 978-82-05-39053-9
• 2000 Liebesfluchten. ISBN 3-257-23299-3 På norsk: Kjærlighetsflukt (noveller) (Gyldendal) ISBN 82-05-29742-8
• 2001 Selbs Mord. ISBN 3-257-23360-4
• 2006 Die Heimkehr. ISBN 3-257-86136-2
• 2008 Das Wochenende. ISBN 978-3-257-06633-3
• 2010 Sommerlügen. ISBN 978-3-257-06753-8
• 2011 Gedanken über das Schreiben. Heidelberger Poetikvorlesungen. ISBN 978-3-257-06783-5

Essays

• 2000 Heimat als Utopie. ISBN 3-518-06613-7
• 2005 Vergewisserungen – Über Politik, Recht, Schreiben und Glauben. ISBN 3-257-06483-7
• 2007 Vergangenheitsschuld. Beiträge zu einem deutschen Thema. ISBN 3-257-06597-3

Utmerkingar

• 1989: Friedrich-Glauser-Preis der „Autorengruppe deutschsprachige Kriminalliteratur“ – Das Syndikat for Die gordische Schleife.
• 1993: Deutscher Krimi Preis for Selbs Betrug.
• 1995: Stern des Jahres der Münchner Abendzeitung for Der Vorleser.
• 1997: Grinzane-Cavour-Preis (Italien) for Der Vorleser.
• 1997: Prix Laure Bataillon (Frankreich) for Der Vorleser. (Utmerking både til forfattaren og omsetjaren, Bernard Lortholary)
• 1998: Hans-Fallada-Preis for Der Vorleser.
• 1999: WELT-Literaturpreis for sitt litterære arbeid.
• 2000: Ehrengabe der Heinrich-Heine-Gesellschaft
• 2000: Evangelischer Buchpreis for Der Vorleser.
• 2000: Kulturpris frå den japanske dagsavisa Mainichi Shimbun, som vert delt ut kvart år til ei bestseljarbok, for Der Vorleser.
• 2001: Eeva Joenpelto-prisen
• 2004: Bundesverdienstkreuz (I. Klasse)