Blanka Stajkow

Blanka Stajkow (fødd 23. mai 1999) er ein polsk songar og modell. Ho representerte Polen i Eurovision Song Contest 2023 med songen «Solo».^[1]

Blanka Stajkow
Fødd	23. mai 1999 (26 år)
Fødestad	Szczecin
Opphav	Polen
Aktiv	2021–
Sjanger	pop
Instrument	gitar
Plateselskap	Warner Music Poland
Verka som	songar, modell, popsanger

Bakgrunn

Stajkow blei fødd i Szczecin av ei polsk mor og ein bulgarsk far. Ifølgje Stajkow hadde ingen av foreldra noko form for musikalsk bakgrunn, men mora oppfordra ho til å drive med musikk og dans. Som trettenåring laga ho sin fyrste singel, «Strong Enough».^[2]

I 2021 deltok Stajkow i det polske realityshowet Top Model, og undervegs i programmet gav ho ut sin fyrste offisielle singel, «Better».^[3][4] Året etter signerte ho kontrakt med Warner Music Poland og gav ut sin andre singel, «Solo».^[5] Med denne singelen melde ho seg på den polske uttakinga til Eurovision Song Contest 2023, Tu bije serce Europy! Wybieramy hit na Eurowizję.^[6] Under finalen 26. februar vann ho tevlinga etter å ha vore favoritt hos fagjuryen og nummer to i telefonavrøystinga. Gjennom sigeren fekk ho representere Polen i Eurovision Song Contest 2023 i Liverpool.^[7][8] Der enda ho på ein 19. plass i finalen.^[9]