Bolborhynchus

Bolborhynchus er ei biologisk slekt i papegøyefamilien med tre medlemar som har eit leveområde frå Mexico i nord til Bolivia i sør.

Bolborhynchus
Stripeparakitt, B. lineola
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Papegøyefuglar Psittaciformes
Familie:	Papegøyefamilien Psittacidae
Underfamilie:	Arinae
Slekt:	Bolborhynchus Bonaparte, 1857

Skildring

Bolborhynchus er små, korthala, solid bygde parakittar, 16-19 cm i kroppslengd. Nebbet er skildra som stumpt og hovent på sidene, og den korte halen har oppsplitta, spisse fjører.^[1] Fjørdrakta er generelt i klår grøn farge. Føda er frø, frukt, skot og blomar. To av artane, stripeparakitt og andesparakitt, et mellom anna bambusfrø. Dette er sosiale fuglar, stripeparakittar flyg ofte i store flokkar, nokre gonger over 100 individ.^[2]

• 
  Stripeparakitt, Bolborhynchus lineola, i fangenskap
• 
  Rustgrimeparakitt, Bolborhynchus ferrugineifrons
• 
  Andesparakitt, Bolborhynchus orbygnesius

Artslista

Bolborhynchus i rekkjefølgje etter IOC World Bird List V13.1, 2023,^[3] med norske artsnamn etter Norske navn på verdens fugler.^[4] IUCN kategori er etter HBW og BirdLife Taxonomic Checklist.^[5]

• Stripeparakitt, Bolborhynchus lineola, Barred Parakeet, Cassin, 1853, (LC)

Liten og grøn, 16 cm 50-60 gram. Sørlege Mexico til sentrale Peru, nordaust til Mérida i Venezuela. Lever i høgtliggande område, 900-3300 moh.^[2]

• Rustgrimeparakitt, Bolborhynchus ferrugineifrons, Rufous-fronted Parakeet, Lawrence, 1880, (VU)

18-19 cm. Grøn, raud rundt nebbet, lever høgt i sentrale Andes i Colombia, 3200-4000 moh.^[6]

• Andesparakitt, Bolborhynchus orbygnesius, Andean Parakeet, Souancé, 1856, (LC)

16-17 cm, mørk grøn med lysare strupe og bryst. Andes i Peru og Bolivia, 3000-4000 moh., nokre gongar over 6000 m.^[7]