Borgund i Sogn

Borgund er ei innlandsbygd øvst i Lærdal kommune i Vestland fylke og eit kyrkjesokn i Sogn prosti. Borgund har tidlegare òg vore ein eigen kommune. Borgund er kjend for den vidgjetne Borgund stavkyrkje. Hovudnæringsvegen i Borgund er jordbruk. Namnet «Borgund» er sett saman av borg som tyder 'borg, bygdeborg' og -und, 'rik på'.^[1]

For andre tydingar av oppslagsordet, sjå Borgund.

Borgund
stad
Borgund-kyrkjene Foto: J.P. Fagerback
Land	Noreg
Fylke	Vestland
Kommune	Lærdal
Postnummer	6888 BORGUND
Innbyggjarnamn	borgynd
Ferdselsårer	E16
Borgund i Sogn 61.048611111111°N 7.8130555555556°E / 61.048611111111; 7.8130555555556
Wikimedia Commons: Borgund

Tidlegare Borgund kommune

Borgund var sjølvstendig kommune frå 1864 til 1964. Kommunen vart oppretta 1. januar 1864 ved at området vart skild ut frå Lærdal kommune. Ved opprettinga budde det 963 personar i Borgund. Kommunen hadde denne utstrekkinga fram til han vart slegen saman med Lærdal att 1. januar 1964. Ved samanslåinga budde det 492 personar i Borgund.^[2] Før kommunesamanslåingane på 1960-talet, og seinast sidan 1920, var Borgund den minste kommunen i Sogn og Fjordane etter folketal.

Folketalsutvikling

Folketalsutvikling for tidlegare Borgund kommune frå 1864 til 1964:

1864[2]	1890[3]	1.12.1920[4]	1.12.1930[5]	3.12.1946[5]	1.1.1951[6]	1.1.1961[6]	1.1.1964[2]
963	831	645	644	605	572	512	492

Borgund kyrkesokn

Borgund sokn femner same området som tidlegare Borgund kommune, det vil seie dei austre delane av tidlegare Lærdal prestegjeld. Soknekyrkje er Borgund kyrkje frå 1868. Ho erstatta Borgund stavkyrkje frå kring 1180 som soknekyrkje. Stavkyrkja er eigd og vedlikehalden av Fortidsminneforeninga.^[7]