Boz Burrell

Raymond «Boz» Burrell (1. august 1946–21. september 2006) var ein engelsk musikar. Han var opphavleg songar, men er mest kjend som bassist i rockebanda King Crimson og Bad Company.

Boz Burrell
Burrell (1976).
Fødd	1. august 1946
Fødestad	Lincoln i England
Død	21. september 2006 (60 år)
Dødsstad	Marbella i Spania
Fødenamn	Raymond Burrell
Opphav	Storbritannia
Aktiv	1963–2006
Sjanger	Hardrock, bluesrock, progressiv rock, jazz-fusion
Instrument	Vokal, bass, gitar
Kjende instrument	Ampeg AUB-1
Tilknytte artistar	King Crimson, Bad Company, Snape, Zoot Money's Big Roll Band, Tam White
Plateselskap	Swan Song, Island, Virgin
Verka som	Musikar, låtskrivar

I midten av 1960-åra song Burrell i sitt eige band, og gav seinare på tiåret ut solosinglar som vokalist, akkompagnert av Ritchie Blackmore, Ian Paice og Jon Lord, som seinare danna Deep Purple. Tidleg i 1970-åra vart han medlem av King Crimson som vokalist. Då bandet ikkje fann ein høvande bassist, fekk Burrell opplæring på instrumentet av gitarist Robert Fripp.^[1] Han spelte inn Islands (1971) med bandet og er òg å høyre på konsertalbumet Earthbound.^[2] Burrell syng òg på Centipede-albumet Septober Energy (1971).^[3]

I 1973 danna Burrell bandet Snape med medlemmar av King Crimson og Alexis Korner^[1] og vart så første bassisten i rockebandet Bad Company,^[2]. Burrell vart verande med bandet fram til 1999. Sidan har Burrell arbeidd med Tam White og Zoot Money's Big Roll Band. Han døydde av eit hjarteattakk i Spania den 21. september 2006, 60 år gammal.^[4]