Break a Broken Heart

«Break a Broken Heart» (norsk omsetjing ‘knus(e) eit knust hjarte’) er ein popsong frå 2023 med den australsk-kypriotiske songaren Andrew Lambrou. Låten var det kypriotiske bidraget til Eurovision Song Contest 2023 i Liverpool.

«Break a Broken Heart» Song av Andrew Lambrou
Land	Kypros, Australia
Språk	Engelsk
Utgjeve	2. mars 2023
Sjanger	Pop
Lengd	02:58
Selskap	Panik Records, City Pop
Komponist	Jimmy Jansson
Tekstforfattar	Jimmy Joker
Låtskrivar(ar)	Jimmy Jansson, Jimmy «Joker» Thornfeldt, Marcus Winther-John, Thomas Stengaard

Om songen

«Break a Broken Heart» blei komponert av det svensk-danske låtskrivarteamet Jimmy Jansson, Jimmy «Joker» Thornfeldt, Marcus Winther-John og Thomas Stengaard.^[1] Songen er ein popballade om «forhold som endar med eit knust hjarte, men som får oss til å stå opp att frå oska, sterkare enn nokon gong».^[2]

Låten blei internt vald av den kypriotiske kringkastaren RIK til å representere Kypros i Eurovision Song Contest 2023. I oktober 2022 kunngjorde RIK at han hadde vald den australsk-kypriotiske songeren Andrew Lambrou til å representere landet. Låten «Break a Broken Heart» blei offentleggjord 2. mars 2023, og ein musikkvideo til låten blei sloppen same dag.

Kypros deltok i den andre semifinalen torsdag 11. mai i Liverpool. Der blei «Break a Broken Heart» nummer sju og kvalifiserte seg til finalen laurdag 13. mai.^[3] I finalen fekk Kypros 126 poeng og enda på tolveplass.^[4][5]

Listeplasseringar

Liste (2023)	Høgaste plassering
Australia (ARIA)[6]	29
Finland (Suomen virallinen lista)[7]	42
Hellas (IFPI)[8]	60
Island (Plötutíðindi)[9]	21
Litauen (AGATA)[10]	26
UK Singles (Official Charts Company)[11]	92
UK Indie (Official Charts Company)[12]	30
Sverige Heatseeker (Sverigetopplistan)[13]	6
Tyskland (GfK Entertainment)[14]	28