Bygland kyrkjebygd

Bygland kyrkjebygd, eller Bygland, er ein tettstad og administrasjonssenteret i Bygland kommune i Agder fylke. Tettstaden ligg i Setesdalen ved utløpet av Kvålsåna, på austbreidda og nær den nørdre enden av Byglandsfjorden, og har 2 483 innbyggjarar per 1. januar 2024.

Bygland
tettstad
Utsyn mot Bygland med grenda Jordalsbø i bakgrunnen.
Land	Noreg
Fylke	Agder
Kommune	Bygland
Areal	0,45 km²
Folketal	245  (2024)
Folketettleik	544 / km²
Postnummer	4745 BYGLAND
Innbyggjarnamn	byglending
Preposisjon	på[1] Bygland
Bygland 58.8285°N 7.7962°E / 58.8285; 7.7962

På Bygland ligg Bygland oppvekstsenter, Byglandshallen, KVS Bygland (privat vidaregåande skule), barne- og ungdomsskule, Bygland museum, Glashytta i Setesdal, Byglandsheimen (alders- og sjukeheim), Bygland folkebibliotek, bensinstasjon og butikkar.^[2] Sentralt i bygda står Bygland kyrkje, ei krosskyrkje frå 1838.

Riksveg 9 (Kristiansand–Haukeligrend) passerer Bygland sentrum nede ved fjorden. Frå sentrum går Jordalsvegen austover til gardane Lidi, Jordalsbø og Skreland.