Canadian Broadcasting Corporation

Canadian Broadcasting Corporation (CBC) er eit kanadisk statleg føretak som står for kringkasting av nasjonal radio og TV i Canada. På fransk heiter føretaket la Société Radio-Canada (Radio-Canada eller SRC). Det er òg kjent under samlenamnet CBC/Radio-Canada.

Canadian Broadcasting Corporation
Bransje	Nettstad, kringkasting
Skipa	2. november 1936
Hovudkontor	Ottawa
Land	Canada
Produkt	radio
Adm.dir.	Catherine Tait
Nettstad	https://cbc.radio-canada.ca/ (fransk)

Det engelskspråklege hovudkvarteret til CBC i Toronto.

CBC er det eldste kringkastingsselskapet i Canada, og blei skipa i den noverande forma si den 2. november 1936.^[1] Radiotenester dei leverer er mellom anna CBC Radio One, CBC Radio 2, CBC Radio 3, Première Chaîne, Espace musique og den internasjonale radiotenesta Radio Canada International. Av TV-kanalar har dei CBC Television, Télévision de Radio-Canada, CBC Newsworld, le Réseau de l'information, ARTV (deleigarskap), Documentary og Bold. CBC sender òg i kanadiske Arktis under namna CBC North og Radio Nord Québec.