Catch Me Now I'm Falling

«Catch Me Now I'm Falling» er ein song skriven av Ray Davies og først spelt av The Kinks på albumet deira Low Budget i 1979. Songen vart skriven som ein kritikk av Amerika sine allierte. Songen skildrar fallet til Captain America som eit symbol på dei tøffe tilhøva i USA på denne tida. Songen inneheld fleire soloar på forskjellige instrument og eit riff som minnar om The Rolling Stones sin «Jumpin' Jack Flash».

Catch Me Now I'm Falling Singel av The Kinks frå albumet Low Budget
B-side	«Low Budget»
Utgjeve	5. september 1979 (USA)
Innspelt	Januar 1979 - juni 1979
Sjanger	Rock, hardrock
Lengd	5:58
Selskap	Arista
Låtskrivar(ar)	Ray Davies
Produsent	Ray Davies
Amerikansk The Kinks-kronologi
«A Gallon of Gas» (1979)	Catch Me Now I'm Falling	«Lola» (live) (1980)

Songen kom ut på singel i USA og Nederland. I USA kom han med «Low Budget» som B-side, medan B-sida i Nederland var «In a Space». Songen selde ikkje godt nok til å nå salslistene i nokon av landa. Songen har sidan kome ut på fleire samle- og konsertalbum.

Songen inneheld ein saksofonsolo som magasinet Billboard skildra som «hot», i tillegg til ein gitarsolo av Dave Davies.^[1][2]

Medverkande

• Ray Davies – solovokal
• Dave Davies – sologitar
• Mick Avory – trommer
• Jim Rodford – bassgitar
• Nick Newall - saksofon