Chains av Cookies

«Chains» er ein song skriven av låtskrivarduoen og den gong ektefellane Gerry Goffin og Carole King og opphavleg spelt inn (men ikkje gjeven ut) av The Everly Brothers. I 1962 vart han ein stor hit for korsongarane til Little Eva, The Cookies (#17 poplista i USA, #7 R&B-lista),^[1] og seinare vart han spelt av den engelske rockegruppa The Beatles.

Chains Singel av The Cookies frå albumet Chains
Språk	engelsk
Utgjeve	November 1962
Sjanger	R&B, pop
Komponist	Carole King
Tekstforfattar	Gerry Goffin
Låtskrivar(ar)	Gerry Goffin/Carole King

The Beatles-versjonen

Chains Song av The Beatles frå albumet Please Please Me
Utgjeve	22. mars 1963
Innspelt	11. februar 1963
Sjanger	Rock and roll
Lengd	2:23
Selskap	Parlophone
Komponist	Carole King
Tekstforfattar	Gerry Goffin
Låtskrivar(ar)	Gerry Goffin/Carole King
Produsent	George Martin

Singelen av The Cookies vart ein populær coverlåt for Liverpool-band etter han kom ut i november 1962,^[2] og vart ei kort stund spelt på konsertane til The Beatles.^[3] Dei spelte han inn 11. februar 1963 på fire forsøk. Det førte viste eg å vere best, så dei brukte dette.^[4] Songen kom ut på debutplata deira, Please Please Me.^[5] Lennon spelte introduksjonen på munnspel.^[4] Musikkskribenten Ian MacDonald kritiserte framføringa til The Beatles og meinte han «hadde nokre ureine tonar» og «mangla spontanitet».^[3] George Harrison song solovokal på Beatles-versjonen, og som fjerde songen på det første albumet deira, var det for mange første gongen dei høyrde Harrison syngje på ein song.

Dei spelte songen fleire gonger for radioprogramma til BBC, som Side by Side, Here We Go og Pop Go the Beatles. Ingen av desse kom ut på samleplata med BBC-innspelinga frå 1994. Dei kom til slutt ut i 2013 på samleplata On Air – Live at the BBC Volume 2).^[2]

Sylvie Vartan-versjonen

Chance / Il revient / Reponds-moi / Tous les gens EP av Sylvie Vartan
Språk	engelsk
Utgjeve	1963
Sjanger	rock and roll
Selskap	RCA Victor
Komponist	Carole King
Tekstforfattar	Gerry Goffin
Låtskrivar(ar)	Frans omsetjing: Georges Aber
Sylvie Vartan-kronologi
«Tous mes copains» (1963)	Chance / Il revient / Reponds-moi / Tous les gens	«En écoutant la pluie» (1963)

Songen vart omsett til fransk og kalla «Chance». Den franske versjonen vart spelt inn og gjeven ut i 1963 av Sylvie Vartan.

Innhald

EP Sylvie («Chance» / «Il revient» / «Reponds-moi» / «Tous les gens») RCA Victor 76.617 (1963, France)

A1. «Chance» («Chains»)

A2. «Il revient» («Say Mama»)

B1. «Reponds-moi»

B2. «Tous les gens» («Baby You’re So Fine»)^[6]

Medverkande

Cookies-versjonen

• Earl-Jean – solovokal
• Margaret Ross – korvokal
• Dorothy Jones – korvokal
• Eva Boyd – korvokal

Beatles-versjonen

• George Harrison – solovokal, sologitar
• John Lennon – rytmegitar, munnspel, harmonivokal
• Paul McCartney – bass, harmonivokal
• Ringo Starr – trommer

Lydteknikar var Norman Smith

Per MacDonald^[3][4]