Chalk Mark in a Rain Storm

Chalk Mark in a Rain Storm er det 13. studioalbumet til den kanadiske songaren Joni Mitchell, gjeve ut i 1988. Det var det tredje albumet hennar for Geffen Records. På albumet finst fleire duettar med gjesteartistar som Peter Gabriel på «My Secret Place», Willie Nelson på «Cool Water», Don Henley på «Snakes and Ladders», Billy Idol og Tom Petty på «Dancin' Clown». Henley syng òg korvokal på «Lakota» og Wendy and Lisa syng korvokal på «The Tea Leaf Prophecy (Lay Down Your Arms)».  

Chalk Mark in a Rain Storm Studioalbum av Joni Mitchell
Utgjeve	23. mars 1988
Innspelt	1986–1987 at Ashcombe House, Somerset; The Wool Hall, Bath; Artisan Sound Recorders, Hollywood; A&M Studios, Hollywood; Village Recorders, Los Angeles; Ocean Way Recording, Los Angeles; Galaxy Studios, Los Angeles; Ground Control Studios, Los Angeles; Soundcastle, Hollywood
Sjanger	Adult alternative Poprock Eksperimentell
Lengd	46:25
Selskap	Geffen
Produsent	Joni Mitchell, Larry Klein
Joni Mitchell-kronologi
Dog Eat Dog (1985)	Chalk Mark in a Rain Storm	Night Ride Home (1991)

Historie

  Tidleg i 1986 vitja Mitchell og Larry Klein platestudioet til Peter Gabriel, Ashcombe House i Bath i England. Sidan Gabriel då neste var ferdig med albumet sitt So, tilbaud han seg Mitchell og Klei til å låne studioet hans om dei ønskte å spele inn noko. Dette gjorde dei og resultatet vart songen «My Secret Place» som vart ein duett mellom Mitchell og Gabriel. Mitchell fortalte magasinet Musician om songen: «Det er ein song om starten på eit kjærleiksforhold. Songen handlar om initmgrenser. Det er ei delt sak som eg ønskte at det skulle vere som Salomos høgsong, der ein ikkje kan sei kva kjønn det er. Det er den samlande anda til to menneske i starten på eit forhold».   I februar 1987 såg Mitchell Billy Idol spele songen «To Be A Lover» på eit Grammyprisutdelingsshow. Ho følte han fanga den originale rock'n'roll-anda i lag med ein ny energi, og ville vere perfekt for ein duett på songen hennar «Dancin' Clown». Idol vitja Mitchell i studioet hennar nokre dagar etter utdelinga og spelte inn sin del. Seinare kom Tom Petty og spelte inn sin del av songen.   Chalk Mark in a Rain Storm kom ut i mars 1988 og songen «Snakes and Ladders» (med Don Henley) vart gjeven til radiostasjonar i januar same år.  

Utgjeving

Meldingar
Karakter
Kjelde	Karakter
AllMusic	[1]
Rolling Stone	[2]
Robert Christgau	C[3]
Hi-Fi News & Record Review	A*:1[4]
Encyclopedia of Popular Music	[5]

Den første offisielle singelen frå albumet var «My Secret Place». Han kom ut i mars 1988 og låg nokre veker like under Topp 100 i USA. Videoen var ein svartkvitfilm med Mitchell og Gabriel, som vart spelt ein del på VH-1, der han hadde premiere i mai 1988.   Kritikarane var stort sett positive til albumet og sidan det var så pass mange kjende artistar med, fekk albumet ein del omtale i media. Albumet gjorde det betre enn det føregåande Dog Eat Dog frå 1985, og nådde 45. plass på Billboardlista i USA.   Mitchell la ut på ein turne i Storbritannia i mai og spelte på musikkshowet Wired på Channel 4. Ho vitja òg Australia og spelte på fleire fjernsynsprogram der.   Chalk Mark in a Rainstorm vart nominert til ein Grammypris for beste kvinnelege popvokal, men tapte for Tracy Chapman sin «Fast Car».  

Innhald

Alle spor skrivne av Joni Mitchell, utanom der andre er nemnde

Side ein

Nr.	Tittel	Låtskrivar(ar)	Lengd
1.	«My Secret Place»		5:01
2.	«Number One»		3:46
3.	«Lakota»	Joni Mitchell, Larry Klein	6:25
4.	«The Tea Leaf Prophecy (Lay Down Your Arms)»	Joni Mitchell, Larry Klein	4:49
5.	«Dancin' Clown»		4:09

Side to

Nr.	Tittel	Låtskrivar(ar)	Lengd
1.	«Cool Water»	Joni Mitchell, Bob Nolan	5:25
2.	«The Beat of Black Wings»		5:19
3.	«Snakes and Ladders»	Joni Mitchell, Larry Klein	5:37
4.	«The Reoccurring Dream»	Joni Mitchell, Larry Klein	3:02
5.	«A Bird That Whistles (Corrina, Corrina)»	Traditional	2:38

 

Medverkande

• Joni Mitchell - vokal, gitar, klaverinstrument, trommeprogrammering på 7,8
• Manu Katché - trommer, perkusjon, snakkande tromme på 1,7; skarptromme på 2; korvokal
• Steven Lindsey - orgel på 2
• Larry Klein - bass; klaverinstrument på 1,3,4,8; congatrommer på 6; programmering; korvokal på 5
• Michael Landau - gitar på 3,4,5,6,8,9; korvokal på 5
• Steve Stevens - sologitar på 5
• Wayne Shorter - saksofonar på 10
• Thomas Dolby - marimba på 5
• Peter Gabriel - gjestevokal på 1
• Benjamin Orr - korvokal på 2,7
• Don Henley - korvokal på 3,8
• Iron Eyes Cody - gjestevokal på 3
• Wendy Melvoin - korvokal på 4
• Lisa Coleman- korvokal på 4
• Billy Idol - gjestevokal på 5
• Tom Petty - gjestevokal på 5
• Julie Last - korvokal på 5
• Willie Nelson - gjestevokal på 6