Chameleon av Michela Pace

«Chameleon» (norsk 'kameleon') er ein maltesisk popsong frå 2019 med artisten Michela Pace. Songen vart vald av den maltesiske kringkastaren PBS til det maltesiske bidraget i Eurovision Song Contest 2019 i Tel Aviv i Israel. Songen og ein tilhøyrande musikkvideo vart offentleggjorde 10. mars 2019, medan den offisielle utgjevinga var 4. april 2019. Songaren Michela Pace vart vald til å representere Malta etter at ho vann den fyrste utgåva av talenttevlinga X Factor Malta. Songen «Chameleon» vart vald etter X Factor-finalen.

«Chameleon» Song av Michela Pace
Land	Malta
Språk	Engelsk
Utgjeve	4. april 2019
Sjanger	Pop[1]
Lengd	02:59
Selskap	Spinnup
Låtskrivar(ar)	Joacim Persson, Paula Winger, Borislav Milanov, Johan Alkenäs

Bakgrunn

Michela Pace framfører «Chameleon» under ei av prøvene i Tel Aviv i 2019.

Michela Pace vann den fyrste utgåva av den maltesiske utgåva av X Factor 26. januar 2019. Gjennom sigeren vart ho den maltesiske representanten i Eurovison Song Contest 2019 i Israel.^[2] Songen ho skulle delta med, vart vald på eit seinare tidspunkt.

10. mars offentleggjorde kringkastaren PBS at bidraget til Michela Pace var «Chameleon», ein song skriven av Joacim Persson, Paula Winger, Borislav Milanov og Johan Alkanas. Songen og musikkvideoen vart slopne same dag på den offisielle YouTube-kanalen til Eurovision Song Contest,^[3] men den kommersielle utgjevinga skjedde fyrst 4. april.^[4]

Gjennom loddtrekking vart Malta trekt ut til å delta i den andre semifinalen torsdag 16. mai. Det endelege startnummeret, nummer 11, vart avgjort av produsentane i Eurovision Song Contest.^[5][6] I avrøystinga vart songen blant dei ti beste i semifinalen, og kvalifiserte seg dimed til finalen laurdag 18. mai.^[7] I finalen vart «Chameleon» nummer 14 av 26 bidrag.^[8]

Mottaking

«Chameleon» nådde fyrsteplass på airplay-lista til den maltesiske radiokanalen Bay 89.7.^[9] Før avviklinga av Eurovision Song Contest låg han òg blant dei ti øvste låtane på oddslistene til veddemålsbyråa.^[10][11]