Cherry Vanilla
From Wikipedia, the free encyclopedia
Remove ads
Cherry Vanilla (fødd 16. oktober 1943 som Kathleen Dorritie) er ein USA-amerikansk songar-låtskrivar, publisist og skodespelar. Etter å ha spelt i Andy Warhol sin Pork, arbeidde ho som publisist for David Bowie, før ho vart rockeseongar. Ho vart sidan publisist for Vangelis.
Remove ads
Karriere
Kathleen Dorritie vart fødd i Woodside i New York.[1] Ho tok scenenamnet Cherry Vanilla då ho spelte i Andy Warhol-skodespelet Pork i London.[2] Ho arbeidde for MainMan LTD som publisist forDavid Bowie tidleg i 1970-åra.[2] Ho vart kjend for sine skandaløse marknadsstrategiar, mellom anna eit tilbod om å utføre oralsex til alle DJar som ville spele platene til Bowie på radio.
Etter ho slutta i arbeidet for Bowie i 1974, starta ho sitt første band med Kasim Sulton, som spelte under namnet hennar. I 1976 danna ho Cherry Vanilla & her Staten Island Band, med Buzzy John Vierno (bass), Frank La Rocca (trommer), Thomas Morrongiello (gitar) og Gary Cohen (piano).[3] Gruppa gav ut songen «Shake Your Ashes» på Max's Kansas City i 1976.[3] I 1976 gav ho òg ut kunstboka Pop Tart.[2]
Ho flytta til London i 1976 og vart ein del av det blømande punkmiljøet og signerte ein platekontrakt med RCA Records. Cherry Vanilla Band bestod i starten av kjærasten til Vanilla, gitaristen Louis Lepore og pianist Zecca Esquibel, i lag med bassisten Gordon «Sting» Sumner og trommeslagaren Stewart Copeland.[4] Copeland og Sting starta etter kort tid bandet The Police.[5]) Den første singelen deira var singelen «The Punk» i september 1977, etterfølgd av debutalbumet i februar 1978, Bad Girl.[3] Finkel og Esquibel slutta i bandet og etter ei rekkje erstatningar heldt bandet fram og gav ut albumet Venus D'Vinyl i 1979.[3] Ho gjorde det slutt med Lepore, gruppa vart oppløyst og Vanilla reiste attende til USA.
I 1980 hadde ho stemme på Vangelis sin «Not A Bit - All Of It» frå albumet See You Later. Ho styrte seinare det amerikanske kontoret hans.[6]
I 1985 spelte ho som haikar og servitrise på Roger Waters-albumet The Pros and Cons of Hitch Hiking[7]
I 1987 skreiv ho musikk til boksedokumentaren Broken Noses.
Tidleg i 1990-åra gav ho ut albumet Blue Roses, med Man Parrish og Barb Morrison. Albumet består av diktopplesing med elektronisk musikk til.[3]
Sjølvbiografien hennar, Lick Me: How I Became Cherry Vanilla, kom ut i 2010.[1]
Remove ads
Filmar
- Let's Get Lost (1988), som seg sjølv
Diskografi
Album
- Bad Girl (1978), RCA
- Venus d'Vinyl (1979), RCA
- Blue Roses (with Man Parrish) (1993), E.S.P.
Singlar
- «The Punk» (1977), RCA
- «Liverpool» (1978), RCA Victor - berre Nederland
- «Moonlight» (1979), RCA
- «Fone Sex» (1991), Radikal - med Man Parrish
- «Techno Sex» (1992), Radikal - med Man Parrish
Bøker
- «Lick Me: How I Became Cherry Vanilla» (2010) Chicago Review Press
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads