Chhattisgarh

Chhattisgarh er ein delstat i sentrale India. Han har inga kystlinje, men grensar til Madhya Pradesh i nordvest, Uttar Pradesh i nord, Jharkhand i nordaust, Orissa i aust, Andhra Pradesh og Telangana i sør og Maharashtra i vest.

Kvinne og mann frå Chhattisgarh som er adivasiar, eller stammefolk.

Chhattisgarh
delstat
Symbol
Forkorting: IN-CT
Land	India
Hovudstad	Raipur
Areal	135 194 km²
Folketal	29 436 231 (2020)[1]
Grunnlagd	1. november 2000
Språk	hindi, chhattisgarhi
Chhattisgarh 21.27°N 81.6°E / 21.27; 81.6
Kart som viser Chhattisgarh. Kart som viser Chhattisgarh.
Wikimedia Commons: Chhattisgarh

Delstaten blei danna i 2000 av 16 tsjhattisgarhitalande område frå Madhya Pradesh. Chhattisgarh er den tiande største delstaten i India og har det 16. største folketalet. Han er ein viktig produsent av elektrisk straum og stål. Delstatshovudstaden er Raipur.

Rundt 80 % av innbyggjarane bur på landsbygda. Delstaten har også ein stor del innbyggjarar som høyrer til Scheduled Tribes (ca. 34 %), Scheduled Castes (12 %) og Other Backward Castes (50 %) – alle grupper som tradisjonelt har opplevd diskriminering.