Clare Torry

Clare Torry (fødd 29. november 1947) er ein britisk songar som er mest kjend for den ordlause vokalen på Pink Floyd-songen «The Great Gig in the Sky» på albumet The Dark Side of the Moon frå 1973.

Clare Torry
Fødd	29. november 1947 (77 år)
Fødestad	London
Opphav	Storbritannia
Sjanger	gospel
Instrument	vokal
Verka som	songar, musikar
Mor	Dorothy W. Singer
Far	Lieu. Geoffrey Napier Torry

Clare Torry starta karrieren sin mot slutten av 1960-åra og song stort sett coverversjonar av kjende songar. Alan Parsons bad ho om å ta del i innspelinga av The Dark Side of the Moon, på den instrumentale songen skriven av Richard Wright, «The Great Gig in the Sky».^[1][2] Sidan den gong har Torry sunge som studiomusikar, mellom anna på fleire reklamar i Storbritannia i 1970-åra og som korvokalist for Kevin Ayers, Olivia Newton-John, Shriekback, The Alan Parsons Project, Gary Brooker, Matthew Fisher, Cerrone, Culture Club, Meat Loaf og Johnny Mercer. Ho song med Roger Waters på When the Wind Blows og Radio K.A.O.S., og igjen med Pink Floyd i 1990 på Knebworth.