Gary Brooker

Gary Brooker, MBE, (fødd 29. mai 1945, død 19. februar 2022) var ein engelsk songar, låtskrivar, pianist og ein av grunnleggarane av rockebandet Procol Harum. Brooker vart medlem av Order of the British Empire i 2003 for det veldedige arbeidet sitt.

Gary Brooker
Fødd	29. mai 1945
Fødestad	Hackney, East London
Død	19. februar 2022 (76 år)
Dødsstad	Surrey
Opphav	Storbritannia
Aktiv	1962–2022
Sjanger	Progressiv rock, rock and roll, jazz
Instrument	Vokal, piano, kornett, trombone
Tilknytte artistar	Procol Harum The Paramounts Willie and the Poor Boys Bill Wyman's Rhythm Kings
Verka som	Musikar
Prisar	medlem av Den britiske imperieordenen

Brooker vart kjend gjennom innspelingane sine med Procol Harum, der særleg samarbeidet med Keith Reid var vellukka. I 1967 stod dei bak suksessen «A Whiter Shade of Pale». Etter at bandet vart oppløyst i 1977, starta Brooker ein solokarriere og har vore gjestemusikar med blant andre Paul McCartney, George Harrison, Tim Renwick, Frankie Miller, Mickey Jupp, The Hollies, Alan Parsons Project, Allan Clarke, Kate Bush, Bill Wyman og Eric Clapton.

I 1996 spelte han i filmen Evita med Madonna, Jonathan Pryce og Antonio Banderas. Etter at Procol Harum vart samla att i 1990-åra starta bandet å turnere, noko dei framleis gjer i dag. Brooker er det einaste originale medlemmet att i bandet.

Diskografi

Soloalbum

• 1979: No More Fear of Flying
• 1982: Lead Me to the Water
• 1985: Echoes in the Night
• 1996: Within Our House (konsertalbum)

Kjelder

• Denne artikkelen bygger på «Gary Brooker» frå Wikipedia på engelsk, og «Gary Brooker» frå Wikipedia på bokmål den 12. mai 2012.

Bakgrunnsstoff

• ClassicBands.com - Procol Harum