Cocaine Decisions

«Cocaine Decisions» er ein song frå 1983 av Frank Zappa, frå albumet The Man from Utopia. Songen vart gjeven ut som singel same året. Eit konsertopptak av songen finst på You Can't Do That on Stage Anymore, Vol. 3.^[1]

Cocaine Decisions Singel av Frank Zappa frå albumet The Man from Utopia
B-side	«SEX»
Språk	engelsk
Utgjeve	1982
Innspelt	1982
Sjanger	Jazzrock, komedierock
Lengd	2:56
Selskap	Barking Pumpkin
Låtskrivar(ar)	Frank Zappa
Produsent	Frank Zappa
Frank Zappa singles-kronologi
«The Man From Utopia Meets Mary Lou» (1983)	Cocaine Decisions	«Baby Take Your Teeth Out» (1984)

Tyding

Zappa hadde mange antidop-songar som «Who Needs the Peace Corps?» frå We're Only in It for the Money, «Cosmik Debris» frå Apostrophe ('), «Charlie's Enourmous Mouth» frå You Are What You Is og «I Come From Nowhere» frå Ship Arriving Too Late to Save a Drowning Witch. I motsetnad til hippiar, dopforhandlarar, ungdom og junkiar, er målet i denne songen dei rike Wall Street-direktørane, legane og advokatane. Tekstlinja «But if you are wasted from the stuff you're stickin' in it. I get madder every day 'cause what you do 'n' what you say affects my life in such a way. I learn to hate it every minute!» er retta mot Zappa sine eigne produsentar og studiosjefar.

Opprør

Under ein konsert i Palermo i Italia i 1982, hadde enkelte i publikum med seg våpen og skapte eit opprør under «Cocaine Decisions» som førte til at politiet måtte bruke tåregass for å bryte ned opprøret.^[2] Zappa sa «Me spelte i ein og ein halv timemed tåregass i andletet vårt og alt anna, og då det var over var me fanga innandørs.» Opprøret inspirerte plateomslaget på albumet The Man From Utopia.

Innhald

A.«Cocaine Decisions» - 2:56
B.«SEX» - 3:00^[3]