Råkefuglar

Råkefuglar (Coraciiformes) er ein biologisk orden av fargerike fuglar som er nært i slekt med sporvefuglar. Ordenen inkluderer mellom anna isfuglfamilien, motmotar, råkar og og bietarar. Dei er vanlegvis syndaktyle – hos dei fleste artar er dei to ytre tærne vaksne saman i nesten heile lengda. Hos artar i isfuglfamilien er den indre tåa ofte redusert eller borte.

Råkefuglar
Blåråke Coracias garrulus
Utbreiing
Utbreiinga av råkefuglar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Underklasse:	Moderne fuglar Neornithes
Infraklasse:	Neognathae
Overorden:	Coraciimorphae
Orden:	Råkefuglar Coraciiformes Forbes, 1884

Råkefuglar finst hovudsakleg i «den gamle verda», representasjonen i Amerika er avgrensa til rundt eit dusin artar av todiar og motmotar, og berre ei handfull av dei over 110 artar av isfuglar finst i «den nye verda».

Det latinske namnet Coraciiformes indikerer 'ramnaktig', som er misvisande ettersom ramnar er med i gruppa songfuglar av sporvefuglar. 'Corax' tyder ramn.

Systematikk

Råkefuglar, Coraciiformes, samlar totalt 185 artar fordelt på seks familiar:

• Råkar, Coraciidae, 13 artar
• Markråkar, Brachypteraciidae, 5 artar
• Isfuglar, Alcedinidae, 117 artar
• Todiar, Todidae, 5 artar
• Motmotar, Momotidae, 14 artar
• Bietarar, Meropidae, 31 artar

Kjelde

• Denne artikkelen er basert på ei omsetjing av artikkelen Coraciiformes frå Engelsk Wikipedia .

• Gill, Frank; Donsker, David; Rasmussen, Pamela, red. (January 2024), IOC World Bird List Version 14.1, Master lists, International Ornithologists' Union, henta 3. mars 2024