Cornelia Jakobs

Anna Cornelia Jakobsdotter Samuelsson (fødd 9. mars 1992 i Nacka församling^[1]), kjend som Cornelia Jakobs, er ein svensk songar og låtskrivar. Ho vann svenske Melodifestivalen med songen «Hold Me Closer» og representerte Sverige i Eurovision Song Contest 2022 i Torino.

Cornelia Jakobs
Fødd	9. mars 1992 (33 år)
Fødestad	Nacka församling
Fødenamn	Anna Cornelia Jakobsdotter Samuelsson
Alias	Cornelia Jakobs
Opphav	Sverige
Aktiv	2010–
Sjanger	pop
Verka som	songar, låtskrivar
Far	Jakob Samuel
Prisar	Grammis for Newcomer of the Year

Bakgrunn

Jakobs studerte på kulturskulen Kulturama og ved Rytmus musikgymnasium i Stockholm i åra 2008–2011.^[2] Ho er medlem i popgruppa Stockholm Syndrome (tidlegare kalla Love Generation), som blant anna deltok i Melodifestivalen i 2011 og 2012.

I 2008 forsøkte Jakobs seg i svenske Idol, men gjekk ikkje vidare i tevlinga.^[3] Ho deltok i Melodifestivalen 2021 som låtskrivar bak «Best of Me» med Efraim Leo. Året etter deltok hun sjølv med låten «Hold Me Closer». Songen vann den fyrste delfinalen og vann 12. mars 2022 heile tevlinga med 146 poeng.^[4] Som vinnar fekk ho representere Sverige i Eurovision Song Contest 2022 i Torino i Italia. Der enda ho på fjerdeplass samanlagt.

Jakbos er dotter av rockemusikaren Jakob Samuel i gruppa The Poodles.^[5] Farfaren er presten og forfattaren Bengt Samuelsson, mens farmora er dirigenten og komponisten Kerstin Nerbe.^[6]

Diskografi

Singlar

• 2013 – «Somewhere» (Jakob Samuel med Cornelia Jakobs)
• 2016 – «Ta dig hit» (Canto med Cornelia Jakobs)
• 2016 – «Lovers on Film» (Joakim Molitor med Cornelia Jakobs)
• 2018 – «Late Night Stories»
• 2019 – «Hanging On»
• 2020 – «Weight of the World»
• 2020 – «Dream Away»
• 2021 – «Jag trodde jag sov» (Linus Hasselberg med Cornelia Jakobs)
• 2022 – «Hold Me Closer»
• 2022 – «Fine»

Digitalt

• 2016 – «We Come Alive» (Radio Edit) / «We Come Alive» (Extended Mix) (Manse med Cornelia Jakobs)