County Fermanagh

County Fermanagh^[a] er eit av seks grevskap i Nord-Irland nordaust på Irland i provinsen Ulster.

Fermanagh
Fear Manach
county
Symbol
Land	Storbritannia
Provins	Ulster
Hovudstad	Enniskillen
Areal	1 691 km²
Folketal	61 805
County Fermanagh 54.35°N 7.63°W / 54.35; -7.63
Kart som viser County Fermanagh. Kart som viser County Fermanagh.
Wikimedia Commons: County Fermanagh

County Fermanagh grensar til Tyrone i nordaust. Av grevskap i Republikken Irland grensar Fermanagh til Donegal i nord, Leitrim i vest, Cavan i sør og Monaghan i aust.

Etter omlegginga av lokalstyret i Nord-Irland vart distriktet Fermanagh oppretta. Dette omfattar heile det gamle grevskapet, i tillegg til delar av det gamle Tyrone.

Grevskapet utgjer den vestlegaste delen av Det sameinte kongeriket Storbritannia og Nord-Irland.

Landskapet i Fermanagh er dominert av dei to innsjøane Øvre og Nedre Lough Erne. Det høgaste punktet i Fermanagh er Cuilcagh på grensa til Cavan, 665 moh.

Dei viktigaste næringsvegane er landbruk og turisme. Området er eit populært feriemål, spesielt for båtferie på Lough Erne og kanalen mellom innsjøane og elva Shannon.

Den viktigaste byen er Enniskillen, som tidlegare var administrasjonssby i grevskapet. Andre byar er Irvinestown og Lisnaskea.

Merknader

1. irsk Contae Fhear Manach eller berre Fear Manach^[1]