Crystal Japan

«Crystal Japan» er eit instrumental stykke skriven av David Bowie og gjeven ut som singel i Japan våren 1980.^[1] Han vart spelt inn under innspelinga for Scary Monsters.^[2][3] Han vart i 1979 nytta i ein japansk reklame for sake Crystal Jun Rock. Bowie var med i reklamen. Bowie sa derimot at songen ikkje var laga spesifikt for dette.^[4] Opphavleg hadde han tittelen «Fuje Moto San»,^[5] og var meint som avslutningssong på Scary Monsters før han vart erstatta av «It's No Game (No. 2)».^[2][3]

Crystal Japan Singel av David Bowie
B-side	«Alabama Song»
Utgjeve	Februar 1980
Innspelt	1979
Sjanger	Ambient
Lengd	3:08
Selskap	RCA Records 553270 (Japan)
Låtskrivar(ar)	David Bowie
Produsent	David Bowie Tony Visconti
David Bowie-kronologi
«Alabama Song» (1980)	Crystal Japan	«Ashes to Ashes» (1980)

Innhald

1. «Crystal Japan» (David Bowie) – 3:08
2. «Alabama Song» (Bertolt Brecht, Kurt Weill) – 3:51

Andre utgjevingar

• Songen vart gjeven ut som B-sida til singelen «Up the Hill Backwards» i mars 1981. «Teenage Wildlife» var opphavleg meint som B-sida til singelen før Bowie fann ut prisen tilhengjarane måtte betale for å importere «Crystal Japan», og insisterte på at songen fekk ei utgjeving i Storbritannia.
• I 1992 vart han gjeven ut som bonusspor på Rykodisc-utgåva av albumet Scary Monsters (and Super Creeps).
• Han finst òg på samleplata Rare frå 1982, All Saints frå 2001 og på Re:Call 3, ein del av plateboksen A New Career in a New Town (1977–1982) (2017).^[6]

Andre versjonar

• Anonymous – Top 10 Party Dance Cassette
• The Drop Outs – Ashes to Ashes: A Tribute to David Bowie (1998)
• Trent Reznor frå Nine Inch Nails tok melodien frå «Crystal Japan» og nytta han som grunnlaget for sporet «A Warm Place», som kom ut i 1994 på albumet deira The Downward Spiral.^[7] På den offisielle nettsida til Bowie stod det seinare at dei to songane var så like at «A Warm Place» var «ein svakt skjult cover» av «Crystal Japan».^[8]