Cubansk musikk

Cubansk musikk omfattar musikk og musikkstilar som har oppstått på Cuba. Den karibiske øystaten Cuba har utvikla ei rekkje stilartar med utspring i Vest-Afrika og Europa, særleg spansk musikk.^[1] Det meste av musikken til urfolka på Cuba har derimot ikkje blitt bevart, ettersom det meste av kulturen deira blei øydelagd gjennom kolonisering.^[2]

Buena Vista Social Club er ei kjend musikkgruppe frå Cuba.

Nokre afrikanske trekk ved musikken er bruk av komplisert polyrytme og utvalet av musikkinstrument. Musikken har også teke til seg europeisk påverknad, og frå 1900-talet har cubansk og afro-amerikansk musikk påverka kvarandre gjensidig.^[2] Fleire cubanske musikkformer er blitt verdskjende, som mambo, salsa og chachachá. Den kubanske musikken har lenge vore svært populær i ulike delar av verda, og har hatt stor påverknad på mellom anna jazz og kongolesisk musikk.

Cubanske musikksjangrar

Nokre av dei tradisjonelle sjangrane på Cuba er:

• Danzón
• Son
• Bolero
• Chachachá
• Mambo
• Rumba
• Guajira