Dale kyrkje i Sogn

Dale kyrkje står i grenda Dale ved Lustrafjorden i Luster kommune i Vestland og er ei mura langkyrkje frå kring 1240.^[1] Dale sokn er fyrste gong nemnt i brev frå biskop Arne i 1306, medan kyrkja og prestestova er nemnt første gong i 1321. Bygget har skip med rektangulært grunnplan og eit smalare og lågare kor.^[2] Mellomalderkyrkja hadde ikkje tårn. Tårnet i form av ein takryttar vart sett på i 1634-34, men tårnet er seinare kraftig ombygd. Våpenhuset vart oppført i 1646-48. Det er gravkammer i ein krypt under golvet og kyrkja tok mest betalt for gravplass under koret, men i 1804 kom det forbod mot gravlegging inne i kyrkja. De står fortsatt omkring 60 kister med balsamerte leivningar i krypten.^[2]

Plasseringa til Dale kyrkje

Dale kyrkje
kyrkje
Foto: Bjørn Erik Pedersen
Land	Noreg
Fylke	Vestland
Kommune	Luster
Kyrkjesamfunn	Den norske kyrkja
Bispedøme	Bjørgvin
Prosti	Sogn
Sokn	Dale
Fellesråd	Luster
Type	Langkyrkje
Teknikk	Kistemur[1]
Innvigd	kring 1240[1]
•  Vigd til	St. Nikolaus[1]
Tårn	Bygd 1634-35[1]
Portal	I kleberstein[1]
Kyrkjegard	Ved kyrkja og 100 meter unna
Sitjeplassar	200[1]
Dale kyrkje i Sogn 61.4413°N 7.4549°E / 61.4413; 7.4549
Wikimedia Commons: Dale kirke (Luster)

Kyrkja utmerkjer seg med eit godt bevart barokkinteriør og ein klebersteinsportal som er mellom dei aller fremste steinarbeida ein har frå mellomalderen i Noreg.^[1] Klebersteinen til kyrka vart truleg broten i Kleberseggi på Indre Hafslo, og den høge kvaliteten på steinarbeidet tyder på at det har vore folk frå utlandet som har hogd til portalen og dei andre klebersteinsdelane i kyrkja.^[1]

Kyrkja er soknekyrkje i Dale sokn i Sogn prosti.

Sokneprestar

Namn og tenestetid.^[2]

• Stevelin Adamson Reutz 1677-1687
• Hans Henrikson Urdahl 1687-1728
• Peder Jensson Juel 1730-1745
• Jens J. Borchsenius 1745-1754
• Fredrik N. Cimber 1754-1760
• Gerhard (Gert) Andersson Daae 1761-1784
• Ludolf Krohn 1785-1795
• Anders Gerhardson Daae 1795-1803 (son av tidlegare prest)
• Edvard A. Quale 1803-1828
• Hans N. Bonnevie 1834-1844
• Just O. Moss 1845-1852
• Carl Herman Peterson Hansen 1852-1861
• Adolf Christie Fritzner Daae 1875-1896
• Håkon Hovland 1963-1968

Galleri

• 
  Klebersteinsdetalj

  Foto: Nina Aldin Thune
• 
  Sett frå sørvest
• 
  Kor og alter
• 
  Rosemåling inne i Våpenhuset
• 
  Den massive klebersteinsportalen
• 
  Prestegarden mellom kyrkja og hovudvegen

Sjå òg

• Kyrkjebygga til Den norske kyrkja i Sogn og Fjordane

Kjelder

• Anne Marta Hoff: «Dale kyrkje» på nettstaden til Fylkesarkivet i Sogn og Fjordane
• «Dale kyrkje i Luster» hjå NRK Sogn og Fjordane Fylkesleksikon
• Om Dale kyrkje på nettstaden til Luster kommune Arkivert 2007-10-26 ved Wayback Machine.
• Sigurd Muri: Norske kyrkjer. Det Norske Samlaget. Oslo 1971