Dalsfjord

Dalsfjord er ein tidlegare sjølvstendig kommune i Møre og Romsdal, opphavleg ein del av Volda kommune. Geografisk er Dalsfjorden ein arm av Voldsfjorden.

Dalsfjorden sett frå Kornbergsfjellet 2006

Dalsfjord blei frådelt frå Volda som eigen kommune 1. juli 1924. Kommunen hadde ved etableringa 960 innbyggarar.

1. januar 1964 blei Dalsfjord igjen slått saman med Volda til den nye Volda kommune. Dalsfjord sitt innbyggartal hadde på dette tidspunktet auka til 1151.

På austsida av fjorden har ein i retning innover: Kornberg, Nautvik og Dale. Inst i fjorden ligg Steinsvik. På vestsida av fjorden i retning utover har ein: Åmelfot, Inselset, Aksnes, Løvik, Holen, Lisjemyra, Dravlaus, Lauvstad og Velsvik.

Folketalsutvikling

Folketalsutvikling for gamle Dalsfjord kommune frå 1924 til 1964:

1.7.1924[1]	1.12.1930[2]	3.12.1946[2]	1.1.1951[3]	1.1.1961[3]	1.1.1964[1]
960	1022	1167	1137	1168	1151

Sjå også

• Dalsfjorden på Sunnmøre
• Ordførarar i Dalsfjord