Dave Alexander

David Michael Alexander (3. juni 1947–10. februar 1975) var ein amerikansk musikar som er mest kjend som den originale bassisten i rockebandet The Stooges.

Dave Alexander
Fødd	3. juni 1947
Fødestad	Ann Arbor
Død	10. februar 1975 (27 år)
Dødsstad	Ann Arbor
Fødenamn	David Michael Alexander
Opphav	USA
Aktiv	1967–1970
Sjanger	Hardrock, protopunk
Instrument	bass
Tilknytte artistar	The Stooges
Plateselskap	Elektra Records
Verka som	Musikar, låtskrivar

Karriere

Etter at familien flytta til Ann Arbor i Michigan møtte han brørne Ron og Scott Asheton på skulen. Etter kvart møtte dei tre Iggy Pop og dei danna i lag The Stooges i 1967. Sjølv om Alexander ikkje var ein dyktig musikar, lærte han raskt og tok snart del i både arrangering og låtskriving, og spelte på alle songane på dei to første albuma til bandet, The Stooges og Fun House.

Alkolholmisbruk og død

Alexander vart sparka frå bandet i august 1970 etter at han møtte opp på Goose Lake International Music Festival for full til å kunne spele.^[1]

Han døydde av lungeødem i 1975 27 år gammal i Ann Arbor etter å ha vorte innlagd på sjukehuset for pankreatitt, som igjen var knytt til det store alkoholkonsumet hans.

Iggy Pop nemner Alexander i den munnlege introen til songen «Dum Dum Boys» frå albumet The Idiot, og seier:

How about Dave?

OD'd on alcohol