Dedicated to the One I Love

«Dedicated to the One I Love» er ein song skriven av Lowman Pauling og Ralph Bass som var ein hit for The "5" Royales, The Shirelles og The Mamas & the Papas.^[1] Pauling var gitarist for The "5" Royales, gruppa om spelte inn den originale versjonen av songen, produsert av Bass, i 1957. Versjonen deira kom ut på ny i 1961 og nådde 81. plassen på Billboard Hot 100.^[2]

Dedicated to the One I Love Singel av The Shirelles
B-side	«Look a Here Baby»
Utgjeve	Mai 1959 1961 (nyutgjeving)
Innspelt	Beltone Studios New York City i USA
Sjanger	Pop, soul
Lengd	2:03
Selskap	Scepter
Låtskrivar(ar)	Lowman Pauling, Ralph Bass
Produsent	Florence Greenberg, Stan Greenberg
The Shirelles-kronologi
«Will You Love Me Tomorrow» (1960)	Dedicated to the One I Love	«Mama Said» (1961)

The Shirelles-versjonen

Ein versjon av den amerikanske jentegruppa The Shirelles^[1] nådde 83. plassen på den amerikanske hitlista i 1959.^[3] Denne versjonen kom ut på ny i 1961 og klatra då heilt til tredjeplassen på Billboard Hot 100 og andreplassen på R&B-lista.^[4] Songen vart utgjeven på albumet deira Tonight's the Night i 1961.

The Mamas & The Papas-versjonen

Dedicated to the One I Love Singel av The Mamas & the Papas frå albumet The Mamas & The Papas Deliver
B-side	«Free Advice»
Utgjeve	1967
Innspelt	26. november 1966, Western Recorders, 6000 Sunset Boulevard Hollywood CA
Sjanger	Pop
Lengd	2:56
Selskap	Dunhill
Låtskrivar(ar)	Lowman Pauling, Ralph Bass
Produsent	Lou Adler
The Mamas & the Papas-kronologi
«Words of Love» (1966)	Dedicated to the One I Love	«Creeque Alley» (1967)

Ein populær versjon vart spelt inn av The Mamas & the Papas^[1] og gjeven ut på Dunhill. Singelen nådde andreplassen på Billboard Hot 100 i 1967.^[5] Denne versjonen nådde òg andreplassen på UK Singles Chart.^[6] Hovudsongaren på denne versjonen var Michelle Phillips. Det var første gongen Phillips song solo på åein song og ikkje Cass Elliot. Songen kom ut på albumet The Mamas & The Papas Deliver i 1967.

Andre versjonar

• 1965: Johnny Preston gav ut ein versjon av songen ssom B-side til singelen hans «Running Bear '65».^[7]
• 1965: Reparata and The Delrons spelte inn songen på albumet deira Whenever a Teenager Cries.
• 1967: The Lettermen gav ut ein versjon av songen på albumet deira Spring!^[8]
• 1968: The O'Kaysions gav ut ein versjon av songen på debutalbumet deira, Girl Watcher^[9] og som B-ide til singelen deira, «Love Machine».
• 1972: The Temprees-versjonen åndde 17. plassen på R&B-lista i USA og 93. plassen på Billboard Hot 100.^[10]
• 1973: Ruben and the Jets gav han ut på albumet deira For Real!
• 1981: Bernadette Peters spelte inn ein versjon som nådde 65. plassen på Hot 100 i USA.^[11]
• 1994: Bitty McLean spelte in ein reggae-versjon av songen, som nådde sjetteplassen på UK Singles Chart.^[12]
• 1996: Linda Ronstadt gav ut songen som tittelsporet på albumet hennar Dedicated to the One I Love.
• 1998: Tanya Stephens spelte inn songen for albumet Ruff Rider.
• 2000: Holly Cole gav ut songen på albumet hennar Romantically Helpless.
• 2001: Rosie & the Originals spelte inn ein acappella versjon for albumet deira Angel Baby Revisited.
• 2007: Renée Geyer spelte inn ein versjon på albumet hennar Dedicated.
• 2013: Wilson Phillips inkluderte songen på albumet deira Dedicated.