Den internasjonale tryggingskonferansen

Den internasjonale tryggingskonferansen (MSC: Munich Security Conference; SiKo: Münchner Sicherheitskonferenz) er eit større arrangement som vert halde kvart år i den bayerske hovudstaden München, på Hotel Bayerischer Hof. Deltakarane på konferansen inkluderer statsleiarar, diplomatar, offiserar, tryggingsekspertar og offentlege personar frå heile verda.

Den internasjonale tryggingskonferansen
Type	Gemeinnützige GmbH
Skipa	1963
Hovudkontor	München
Motto	Frieden durch Dialog
Nettstad	https://securityconference.org/

Hotel Bayerischer Hof der konferansen vert halden.

På konferansen vert diskusjonar om aktuelle tryggleiks- og forsvarspolitiske tema tekne opp. Før kvar konferanse vert det gjeve ut ein rapport – Munich Security Report – som legg grunnlaget for diskusjonane under konferansen.^[1]

Konferansen vart grunnlagd i 1963 av Ewald-Heinrich von Kleist-Schmenzin.^[2] Han vert støtta av den tyske regjeringa, det tyske forsvar, München kommune og Europakommisjonen. I tillegg tek fleire private verksemder del i finansieringa av konferansen.^[3]

Sidan 2009 har ein delt ut Ewald von Kleist-prisen under konferansen.