Det papuanske flagget

Det papuanske flagget blei teke i bruk som nasjonalflagg av Papua Ny-Guinea den 1. juli 1971. Flagget er utforma av Susan Huhume, som var berre 15 år gammal då ho vann ein landsdekkjande konkurranse om å teikne eit nytt nasjonalt flagg i 1971.^[1]

Flagget til Papua Ny-Guinea. Storleiksforhold: 3:4

Raudt og svart har lenge vore dei tradisjonelle fargane til mange stammar på Papua Ny-Guinea. Svart-kvitt-raudt var fargane på flagget til det tyske keisardømet, som hadde kolonisert Ny-Guinea før 1918. Paradisfuglen, som er ein stilisert safranparadisfugl (Paradisaea raggiana)^[2], er også på det papuanske riksvåpenet, saman med stjernebiletet Sørkrossen.

Galleri

• 
  Flaggforslaget til Hal Holman.
• 
  Det papuanske flagget i Beijing.
• 
  Det papuanske flagget under flaggparaden under Paralympiske sommarleikar 2016.