Susan Karike

Susan Hareho Karike Huhume (7. mai 1956–11. april 2017) var ei papuansk husmor, som utforma det papuanske nasjonalflagget som 15-årig skulejente.

Susan Karike
Statsborgarskap	Papua Ny-Guinea
Fødd	ca. 7. mai 1956
Død	11. april 2017 (60 år) Port Moresby

Det papuanske flagget

I 1971, då Karike var 15 år gammal, fekk skulen hennar, den katolske misjonsskulen på Yule-øya i provinsen Central, besøk av valkomiteen for konstitusjonell utvikling.^[1][2][3] Komiteen hadde allereie eit mellombels design for eit nytt flagg for Papua Ny-Guinea, som var designa av den australske kunstnaren Hal Holman.^[2] Likevel bad dei elevane lage ein ny fargepalett for flagget.^[1] Karike tykte ikkje at dei originale fargene blå, gul og grøn var tradisjonelle nok, og likte heller ikkje dei vertikale stripene som flagget var delt i.^[4][5] Ho brukte ei diagonal linje og fargene raudt, svart og gult, i tillegg til å behalde motiva med Sørkrossen og paradisfuglen.^[3] Det nye designet for flagget blei teikna på ei side riven ut frå kladdeboka hennar.^[6] Forslaget blei presentert for komiteen 1. mars 1971 og blei formelt vedtatt som flagget til Papua Ny-Guinea 4. mars 1971.^[3]

Galleri

• 
  Flaggforslaget til Hal Holman.
• 
  Det papuanske flagget.

Heider

Sjølv om ho stod bak utforminga av nasjonalflagget, var bidraget til Karike stort sett ukjent i løpet av levetida hennar.^[7] Ho mottok ingen pensjon frå regjeringa og levde i fattigdom.^[8] Den tre månader lange forseinkinga mellom døden og gravferda hennar kom av at statsministerkontoret hadde lova familien hennar at ho skulle ha ei statsgravferd, men så trekte tilbake løftet.^[9]

I 2017 blei Papua Ny-Guinea nasjonalmuseum og kunstgalleri bygd om og eit nytt galleri blei kalla opp etter Susan Karike.^[1]

Privatliv

Karike gifta seg med Nanny Huhume og dei hadde fire barn og tolv barnebarn.^[10][11] Ho døydde i april 2017 etter eit slag og blei gravlagd 28. juli 2017.^[10][11]