Do You Want to Know a Secret

«Do You Want to Know a Secret?» er ein song av den engelske rockegruppa The Beatles frå albumet Please Please Me i 1963, sungen av George Harrison. I USA var songen den første songen med Harrison på vokal som gjekk inn på Topp 10 på singellista, då han nådde andreplassen på Billboard-ista i 1964.

Do You Want to Know a Secret? av The Beatles frå albumet Please Please Me
B-side	«Thank You Girl»
Språk	engelsk
Utgjeve	22. mars 1963
Innspelt	11. februar 1963, EMI Studios, London
Sjanger	pop
Lengd	1:56
Selskap	Parlophone (album), Vee-Jay (singel)
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin
The Beatles sine amerikanske singlar-kronologi
«Can't Buy Me Love» (1964)	Do You Want to Know a Secret?	«Love Me Do» (1964)

Komposisjon

«Do You Want to Know a Secret?» vart skriven hausten 1962, hovudsakleg av John Lennon, men tilskriven Lennon–McCartney.^[1] Versjonen frå 1963 av Billy J. Kramer and the Dakotas (som nådde andreplassen i Storbritannia) er tilskriven «McCartney-Lennon». Songen var inspirert av «I'm Wishing»,^[2] ein melodi frå Walt Disney-filmen Snow White and the Seven Dwarfs frå 1937, som mor til Lennon, Julia, song til han som barn. Dei første to linjene i songen i Disney-filmen («Want to know a secret? Promise not to tell?») kom rett etter opningsteksten («You'll never know how much I really love you... You'll never know how much I really care...»).^[3][4] McCartney har sagt at «dei skriv songen likt om likt» for Harrison til å syngje,^[5] medan Lennon i 1980 sa at han skreiv songen aleine og fann ut då songen var ferdig at han høvde best for Harrison.^[6]

Innspeling

I 1980 sa Lennon at han gav «Do You Want to Know a Secret?» til Harrison fordi songen «berre hadde tre notar og han er ikkje den beste songaren i verda», men la til «han har kome seg mykje sidan den gongen».^[4] Songen vart spelt inn i løpet av ei ti timar lang innspeling den 11. februar 1963 i lag med ni andre songar for Please Please Me.^[7] Harrison song to songar på Please Please Me — denne av Lennon–McCartney og «Chains» av Goffin/King. «Don't Bother Me» var den første songen Harrison skreiv for Beatles, og kom ut på det neste albumet, With The Beatles.^[8]

Singelutgåva

«Do You Want to Know a Secret?» kom ut på singel eit år seinare på Vee-Jay i USA, den 23. mars 1964, og nådde andreplassen bak ein annan Beatles-song, «Can't Buy Me Love» på Billboard-lista, og tredjeplassen på Cash Box-lista. I USA var dette den mest suksessrike Beatles-songen som Harrison song på, fram til «Something» nådde toppen av singellista i 1969.

Medverkande

• George Harrison – solovokal, akustisk gitar (høgre kanal)
• John Lennon – akustisk gitar (venstre kanal), korvokal
• Paul McCartney – bass, korvokal
• Ringo Starr – trommer

Lydteknikar var Norman Smith

Personell per Walter Everett^[9] og John Winn^[10]

Salslister og salstrofé

Salslister

Liste (1964)	Plassering
Tyske Media Control-lista[11]	34
US Billboard Hot 100[12]	2
US Cash Box Top 100[13]	3

Salstrofé

Region	Salstrofé	Salstal
USA (RIAA)[14]	Gull	1 000 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Billy J. Kramer-versjonen

Do You Want to Know a Secret? Singel av Billy J. Kramer with the Dakotas frå albumet Little Children
B-side	«I'll Be on My Way» (Lennon–McCartney)
Språk	engelsk
Utgjeve	26. april 1963
Innspelt	1963
Sjanger	pop, beat
Lengd	2:01
Selskap	Parlophone (UK) Imperial (US)
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin
Billy J. Kramer with the Dakotas-kronologi
	Do You Want to Know a Secret?	«Bad to Me» (1963)

The Beatles-versjonen kom aldri ut på singel i Storbritannia, der ein versjon av Billy J. Kramer with the Dakotas (i lag med «I'll Be on My Way», Parlophone R5023, 26. april 1963)^[15] nådde andreplassen på Record Retailer-lista og førsteplassen på NME-lista (nytta av Radio Luxembourg) og BBC si Pick of the Pops-liste. Songen kom òg ut på albumet Little Children. Han nådde åttandeplassen på den irske singellista.

Salslister

Liste (1963)	Plassering
Storbritannia (Record Retailer)	2[16]
Storbritannia (NME)	1[17]

Andre versjonar

Alvin and the Chipmunks spelte inn songen i 1964 for albumet The Chipmunks Sing the Beatles Hits.^[18]

Songen nådde toppen av Billboard-lista igjen i 1981 og andreplassen i Storbritannia med ein versjon av Stars on 45, som spelte songen som ein del av ein medley.