Donkeyboy

Donkeyboy er ei popgruppe frå Drammen i Noreg, skipa i 2005. Gruppa er ihopsett av Cato Sundberg (vokal/rytmegitar), Kent Sundberg (synth/støttevokal), Peter Michelsen (gitar/støttevokal), Thomas Drabløs (trommer), og Alexander Garborg Ågedal (bassgitar).

Donkeyboy
Opphav	Drammen i Noreg
Aktiv	2005–
Sjanger	pop, rock
Tilknytte artistar	Linnea Dale
Plateselskap	Warner Music Norway
Medlemmer	Cato Sundberg Kent Sundberg Thomas Drabløs Peter Michelsen Alexander Garborg Ågedal
Prisar	Spellemannprisen for årets nykommer, Spellemannprisen for årets hit, Spellemannprisen for årets musikkvideo

Donkeyboy skreiv avtale med Warner Music etter at ein tilsett i selskapet kom over MySpace-profilen deira.^[1] Debutsingelen Ambitions blei lansert 26. mars 2009 og fekk høg rotasjon på NRK P3,^[2] og to veker seinare låg han inne som #7 på VG-lista Topp 20.^[3] 29. juni 2009 var låten den mestseljande singelen i Noreg, og singelen blei verande på fyrsteplass fram til andresingelen Sometimes tok over 22. september. Linnea Dale frå Tinn i Telemark, òg kjent frå 2007-sesongen av Idol, medverkar som vokalist på båe singlane.

Donkeyboy sitt fyrste album Caught in a Life blei lansert 19. oktober 2009 og fekk terningkast fire frå Aftenposten^[4] og Dagbladet.^[5] Under Spellemannprisen 2009 håva gruppa inn med prisar for både årets nykomar med plata Caught in a Life, og prisen for årets hit og årets musikkvideo for Ambitions.