Down on the Corner

«Down on the Corner» er ein song av det amerikanske rockebandet Creedence Clearwater Revival. Han vart gjeven ut på det fjerde studioalbumet deira, Willy and the Poor Boys (1969). Songen omhandlar soga om eit oppdikta band, Willy and the Poor Boys, og om korleis dei speler på gatehjørner for å muntre folk opp og tene nokre slantar. Songen nådde tredjeplassen på Hot 100 i USA den 20. desember 1969. B-sida «Fortunate Son» gjekk opp til 14. plass i USA den 22. november 1969, veka før Billboard gjekk bort frå å ta med begge sider av ein singel på lista.^[1]

Down on the Corner Singel av Creedence Clearwater Revival frå albumet Willy and the Poor Boys
B-side	Fortunate Son
Språk	engelsk
Utgjeve	September 1969
Innspelt	1969
Sjanger	Roots-rock
Lengd	2:47
Selskap	Fantasy
Komponist	John Fogerty
Tekstforfattar	John Fogerty
Låtskrivar(ar)	John Fogerty
Produsent	John Fogerty
Creedence Clearwater Revival-kronologi
«Green River» (1969)	Down on the Corner	«Fortunate Son» (1969)

Songen refererer til baljebass (gut bass) i linja «Blinky thumps the gut bass and solos for a while».^[2] I ei framføring i 1969 på The Ed Sullivan Show spelte bandet songen som Willy and the Poor Boys. Stu Cook spelte då baljebass.

Andre versjonar

• Jerry Reed spelte inn ein versjon av songen i 1982 for albumet The Bird.
• The Mavericks spelte inn ein versjon av songen på albumet King of the Hill-Music From and Inspired by the TV Series.
• Rockegruppa Big Country gav ut ein versjon av songen i 2001 på albumet Under Cover.
• Adam Harvey framførte ein duett av songen i lag med Leo Sayer på Both Sides Now.
• Beastie Boys sampla songen på sporet «Time to Get Ill» på albumet Licensed to Ill (1986).
• Goo Goo Dolls spelte inn songen i 1989 for albumet Jed med Lance Diamond på vokal.
• MC Paul Barman samplar songen på sporet «Hot Guacamole» frå 2009 på albumet Thought Balloon Mushroom Cloud.
• Rapgruppa SFC sampla songen på sporet «Can't Wait» frå 1990 på albumet Saved Man in the Jungle.
• Miriam Makeba spelte inn ein sørafrikansk versjon på albumet sitt Keep Me in Mind i 1970.
• The Osmond Brothers song songen i Wonderful World of Disney-episoden «Disneyland Showtime».
• Harry Belafonte spelte inn songen i 1970 som ein duett med Lena Horne til albumet Harry & Lena på RCA
• D.O.A. brukte melodien, men skreiv ny tekst, til protestsongen sitt «Billy and the Socreds» i 1986.
• La Portuaria spelte songen i 2005 på albumet Rio.

I andre medium

• Songen er spelbar i videospelet Rock Band.
• Musikken vart nytta i ein reklame for Walgreens.
• Opningsmelodien vert nytta i opninga av The Rechids.