Dreamer av Supertramp

«Dreamer» er ein song av Supertramp frå albumet Crime of the Century frå 1974. Songen kom ut på singel og nådde 13. plassen på UK Singles Chart i februar 1975.^[2] I 1980 kom songen ut på konsertalbumet Paris. Denne konsertutgåvakom ut på singel og nådde 15. plassen på den amerikanske Billboard-lista,^[3] 36. plassen på Nederlandsk Topp 40,^[4] og heilt til topps på Canadian Singles Chart.^[5] «Dreamer» kom òg ut på albumet til Roger Hodgson, Classics Live, spelt inn i 2010.

Dreamer Singel av Supertramp frå albumet Crime of the Century
B-side	Bloody Well Right
Språk	engelsk
Utgjeve	1974
Innspelt	1974
Sjanger	Progressiv rock kunstpop[1]
Lengd	3:33
Selskap	A&M
Komponist	Roger Hodgson
Tekstforfattar	Rick Davies, Roger Hodgson
Låtskrivar(ar)	Rick Davies, Roger Hodgson
Produsent	Supertramp, Ken Scott
Supertramp-kronologi
«Land Ho» (1974)	Dreamer	«Bloody Well Right» (1974)

Bakgrunn

«Dreamer» vart komponert av Roger Hodgson på Wurlitzer-pianoet hans heime hos mora då han var 19 år gammal. På den tida spelte han inn ein demo songen med vokal, Wurlitzer og pappøskjer som perkusjon. Hodgson sa «Eg var nøgd - det var første gongen eg hadde spelt på ein Wurlitzer.»^[6] Supertramp spelte inn sin versjon av songen basert på denne demoversjonen.^[7]

Bandet framførte songen på BBC-programmet Old Grey Whistle Test i 1974, der ein kan sjå John Helliwell spele på kanten av eit vinglas på toppen av klaverinstrumentet sitt for å få ein viss lydeffekt.^[8]

Songen vart nytta i filmane The Parole Officer, Wild Thing og The Adventures of Rocky and Bullwinkle, i tillegg til trailerer for sistnemnde og Robots.

Innhald

1975: 7"-singel

Side ein

1. «Dreamer» – 3:33 (skriven av Roger Hodgson)

Side to

1. «Bloody Well Right» – 4:26 (skriven av Rick Davies)

1980: 7"-singel

Amerikansk versjon

Side ein

1. «Dreamer» (Live) – 3:15 (Hodgson)

Side to

1. «From Now On» (Live) – 6:44 (Davies)

Europeisk versjon

Side ein

1. «Dreamer» (Live) – 3:15 (Hodgson)

Side to

1. «You Started Laughing» (Live) – 3:50 (Davies)

Medverkande

• Roger Hodgson – Wurlitzer elektrisk piano, solovokal
• Rick Davies – Wurlitzer elektrisk piano, Hammondorgel, solovokal
• John Helliwell – celeste, glasharpe, korvokal
• Bob Siebenberg – trommer, perkusjon
• Dougie Thomson – bassgitar