John Helliwell

John Anthony Helliwell (fødd 15. februar 1945) er ein engelsk musikar og saksofonist og blåseinstrumentalist for rockebandet Supertramp.^[1] Han har òg vore seremonimeister på konsertane til bandet og snakka og spøkt med publikum mellom songane.

John Helliwell
Helliwell på scenen i mai 2011
Fødd	15. februar 1945 (80 år)
Fødestad	Todmorden i West Yorkshire Storbritannia
Fødenamn	John Anthony Helliwell
Opphav	Storbritannia
Sjanger	Rock
Instrument	Saksofon, klarinett, klaverinstrument
Tilknytte artistar	Supertramp, The Alan Bown Set, Super Big Tramp Band
Verka som	Musikar

Helliwell spelte med The Alan Bown Set, der han erstatta Dave Green i januar 1966^[2] før han kom inn i Supertramp i 1973^[3] i lag med bassist Dougie Thomson, som overtydde Helliwell om å bli med. I 2004 skipa Helliwell bandet Crème Anglaise i lag med Mark Hart, som kom med i Supertramp i 1985. Denne gruppa spelte inn eit sjølvoppkalla debutalbum i 2005.

I 1987 spelte Helliwell på Pink Floyd-albumet A Momentary Lapse of Reason, der namnet hans var feilskrive som «Halliwell».^[4] Dette skjedde etter at Pink Floyd-gitaristen David Gilmour hadde spelt på Supertramp-albumet Brother Where You Bound. Helliwell spelte òg med den franske songaren Jean-Jacques Goldman i 1985 på albumet Positif.