Dua

Dua (frå latin Columba) er eit stjernebilde på den sørlege himmelhalvkula. Det ligg like sør for Den store hunden og Haren.

Dua
Dua
Latinsk namn	Columba
Forkorting	Col
Genitivsform	Columbae
Symbologi	Namngitt av A. Royer
Rektasensjon	6 h
Deklinasjon	−35°
Areal	270 kvadratgrader nr. 54 av stjernebilda
Stjerner sterkare enn mag. 3	1
Sterkaste stjerne	Phact (α Col) (2,6. mag.)
Meteorsvermar	Ingen
Tilgrensande stjernebilde	Haren Gravstikka (Meiselen) Staffeliet Akterstamnen Den store hunden
Synleg mellom breiddegradane +45° og −90°

Kjende objekt

Stjernebiletet Dua slik det er for det nakne auga.

Stjerner

Dua er heller lyssvakt, og den mest lyssterke stjerna, Alfa Columbae, har berre storleiksklasse 2,7. Alfa Columbae er ei blåkvit star som tradisjonelt har blitt kalla Phact. Alfa Columbae ligg 268 lysår frå jorda. Den einaste andre namngjevne stjerna i Dua er Beta Columbae, som har namnet Wazn. Ho er ei oransje kjempestjerne med storleiksklasse 3,1, 86 lysår frå jorda.^[1]

Dua er stjernebiletet som ligg ved solart antapeks - jorda (og sola) flyttar seg bort frå retninga til stjernebiletet når solsystemet flyttar seg gjennom rommet.

Stjernebiletet inneheld den galopperande stjerna μ Columbae, som truleg vart driven bort frå ι Orionis-systemet.

Djupromsobjekt

Det ligg ein kulehop i Dua, NGC 1851 som har storleiksklasse 7. Ho ligg 35 000 lysår frå jorda og er mogeleg å sjå i mellomstore amatørteleskop.^[1]