Dust in the Wind

«Dust in the Wind» er ein song av det amerikanske progressive rockebandet Kansas og skriven av Kerry Livgren. Songen kom først ut i 1977 på albumet deira Point of Know Return.

Dust in the Wind Singel av Kansas frå albumet Point of Know Return
B-side	Paradox
Språk	engelsk
Utgjeve	16. januar 1978
Innspelt	Juli 1977
Studio	Woodland Studios (Nashville)
Sjanger	Softrock[1]
Lengd	3:27
Selskap	Kirshner
Komponist	Kerry Livgren
Tekstforfattar	Kerry Livgren
Låtskrivar(ar)	Kerry Livgren
Produsent	Jeff Glixman, Kansas
Kansas-kronologi
«Point of Know Return» (1977)	Dust in the Wind	«Portrait (He Knew)» (1978)

Singelen nådde sjetteplassen på Billboard Hot 100 22. april 1978, og vart den einaste singelen deira som nådde topp 10 på Billboard Hot 100-lista. Singelen oppnådde gullplate for ein million selde eksemplar i USA kort tid etter han kom ut.

Bakgrunn

Tittelen på songen er ein Bibelreferanse som siterer Forkynnaren:^[2]

«

Eg såg på kvar gjerning som blir gjord under sola. Sjå, alt er like fåfengt som å gjeta vinden![3]

»

Kerry Livgren skreiv gitarlinja for «Dust in the Wind» som ei fingerøving for å lære seg fingerplukking på gitaren sin. Kona hans, Vicci, høyrde det han gjorde og sa at ho likte melodien og oppfordra han til å skrive ein tekst. Livgren var usikker på om dei andre i bandet kom til å like songen, sidan det var eit steg til side for den vanlege stilen deira. Etter at Kansas hadde øvd inn alle songane meint for innspelinga deira i juni og juli 1976, spelte Livgren «Dust in the Wind» for dei, som etter ein augneblink med stille spurte «Kerry, kvar har denne vore?»^[4]

Songen vart vald ut som den andre singelen frå albumet, medan den første songen, tittelsporet på albumet, gjorde det heller dårleg.^[5] «Dust in the Wind» kom ut kort tid etter og gjekk inn på 81. plassen på Hot 100 den 21. januar 1978. Innan april hadde songen nådd sjetteplassen på Hot 100 og vart den høgast plasserte singelen til Kansas og den einaste som nådde topp 10.^[6]

Medverkande

• Steve Walsh – solovokal
• Kerry Livgren – akustisk gitar
• Rich Williams – akustisk gitar
• Robby Steinhardt – fiolin, bratsj, kor- og harmonivokal

Salslister

Vekeslister Liste (1978) Plassering Australske Kent Music Report[7] 52 Belgian VRT Top 30[8] 29 Canadian RPM Top 100[9] 3 Canadian RPM Adult Contemporary[10] 1 Den nederlandske singellista[11] 19 Den franske singellista[12] 22 New Zealand Singles Chart[13] 36 U.S. Billboard Hot 100 6 U.S. Billboard Adult Contemporary[14] 6 U.S. Cashbox Top 100[15] 3

Årslister Liste (1978) Passering Canadian RPM Top Singles[16] 24 U.S. Billboard Hot 100 39 U.S. Cashbox Top 100[17] 37 Salstrofé Land Selskap Salstrofé Canada[18] CRIA Gull USA[19] RIAA 3x Platina

Andre versjonar

Sarah Brightman spelte inn «Dust in the Wind» i 1998 på albumet hennar Eden.