Point of Know Return

Point of Know Return er det femte studioalbumet til det amerikanske rockebandet Kansas, gjeve ut i 1977.

Point of Know Return Studioalbum av Kansas
Språk	engelsk
Utgjeve	11. oktober 1977
Innspelt	Studio in the Country i Bogalusa i Louisiana, juni 1977 Woodland Studios i Nashville i juli 1977
Sjanger	Progressiv rock
Lengd	44:24
Selskap	Kirshner/CBS Kirshner/Epic
Produsent	Jeff Glixman
Kansas-kronologi
Leftoverture (1976)	Point of Know Return	Two for the Show (1978)
Singlar frå Point of Know Return
«Point of Know Return» Utgjeve: 1977 «Dust in the Wind» Utgjeve: 16. januar 1978 «Portrait (He Knew)» Utgjeve: Juni 1978

Tittelen på albumet er eit ordspel på «point of no return».

Komposisjon og innspeling

Innspelinga for Point of Know Return tok til i juni 1977 i Studio in the Country i Bogalusa i Louisiana, der Kansas hadde spelt inn dei to førre albuma sine. Då utstyret slutta å virke, flytta Kansas til Woodland Studios i Nashville etter ein månad.^[1]

Songaren og låtskrivaren Steve Walsh slutta i gruppa ei kort stund under innspelinga av dette albumet.^[2] I eit radiointervju innrømde han at han på dette tidspunktet var ein slags primadonna og likte tanken på ein solokarriere.^[2][3]

«Dust in the Wind» er ein enkel, akustisk song. Gitarlinja for songen vart skriven av Kerry Livgren som ei øving for å lære seg fingerplukking. Kona hans, Vicci, høyrde songen og syns at melodien var fin, og oppfordra han til å skrive ein tekst.^[4] Livgren var usikker på om dei andre i bandet kom til å like songen, sidan det var eit steg til side for den vanlege stilen deira. Likevel spelte han songen for dei og songen vart akseptert og innspelt.^[4]

Albumet vart kritikarrost for singlane «Point of Know Return», som kom til seint på albumet, og «Portrait (He Knew)», som var skriven om Albert Einstein.^[4] I 1988 gav Livgren ut ein oppdatert versjon av «Portrait (He Knew)» kalla «Portrait II» som ein del av albumet Prime Mover for gruppa hans AD. Han endra temaet i songen frå Einstein til Jesus. Ein annan song, «Closet Chronicles», er ein allegori til Howard Hughes.

Mottaking

Meldingar
Karakter
Kjelde	Karakter
AllMusic	[5]

Rolling Stone gav albumet middels omtale og meinte at overgangen til kortare songar fungerte greitt, og at tekstane var «ei svak og latterlig attforteljing av den billige eksotismen som vart nytta av så mange britiske kunstrockartistar.» Dei skreiv at Kansas mangla ein virtuos soloist, men at bandet elles spelte godt og målretta.^[6] Robert Taylor i AllMusic skreiv at «samspelet og den overlegne musikalske dugleiken til Knasas gjer dette til ei viktig innspeling innan klassisk rock og progressiv rock», trass i «utdatert lyd» og kampen bandet hadde «for å oppretthalde ein sunn balanse mellom progresjon og pop.»^[5]

Point of Know Return nådde høgare på albumlista i USA enn andre Kansas-album gjorde, ein fjerdeplass på lista i januar 1978^[7] og kom til å selje fire millionar eksemplar i USA.^[8]

I andre media

I ein debatt om den beste «Song 1 Side 1» i historia blant hovudrollene i filmen High Fidelity, kritiserer karakteren Jack Blackeit av forslaga til karakteren til John Cusack som «for opplagt, som 'Point of Know Return'».

I oktober 2009 vart eit konsertopptak av tittelsporet nedlastbast i videospelet Rock Band.

I filmen The Rocker, har karakteren til Rainn Wilson, Robert Fishman, på seg ei Point of Know Return-t-skjorte.

«Nobody's Home» er sampla av rapperen J Dilla på songen «So Far» i 2016 på albumet The Diary. Klippet som er brukt er ikkje frå Kansas-versjonen av songen.

«Dust in the Wind» vart òg nytta i Highlander: The Series-episoden «The Darkness».

Innhald

Side ein

Nr.	Tittel	Låtskrivar(ar)	Lengd
1.	«Point of Know Return»	Steve Walsh, Phil Ehart, Robby Steinhardt	3:13
2.	«Paradox»	Kerry Livgren, Walsh	3:50
3.	«The Spider» (instrumental)	Walsh	2:05
4.	«Portrait (He Knew)»	Livgren, Walsh	4:38
5.	«Closet Chronicles»	Walsh, Livgren	6:31

Side to

Nr.	Tittel	Låtskrivar(ar)	Lengd
6.	«Lightning's Hand»	Walsh, Livgren	4:24
7.	«Dust in the Wind»	Livgren	3:28
8.	«Sparks of the Tempest»	Livgren, Walsh	4:18
9.	«Nobody's Home»	Livgren, Walsh	4:40
10.	«Hopelessly Human»	Livgren	7:17

Bonusspor på 2002-utgåva

Nr.	Tittel	Lengd
11.	«Sparks of the Tempest» (Konertopptak frå Merriweather Post Pavilion i Maryland)	5:17
12.	«Portrait (He Knew)» (Remix)	4:50

Medverkande

Kansas

• Steve Walsh – orgel, synthesizer, vibrafon, piano, solovokal (utanom på «Lightning's Hand»), korvokal, ekstra perkusjon
• Kerry Livgren – synthesizer, piano, clavinet, elektrisk og akustisk gitar, ekstra perkusjon
• Robby Steinhardt – fiolin, bratsj, korvokal, solovokal på «Closet Chronicles», «Lightning's Hand», «Sparks of the Tempest» og «Hopelessly Human»
• Rich Williams – elektrisk og akustisk gitar, pedalar
• Dave Hope – bass
• Phil Ehart – trommer, pauker, røyrbjeller, ekstra perkusjon

Produksjon

• Jeff Glixman - plateprodusent, lydteknikar, miksing i Village Recorders i Los Angeles i august 1977
• Terry Diane Becker - ekstra lydteknikar
• George Marino - mastering i Sterling Sound i New York i september 1977
• Kansas - arrangement og konsept for plateomslaget
• Tom Drennon - kunstnarisk leiar
• Peter Lloyd - måleri
• Rod Dyer - design av det indre omslaget
• Bob Maile - kalligrafi

Salslister

Album År Liste Plassering 1978 Billboard 200 (USA)[7] 4 RPM100 Albums (Canada)[9] 7 Den franske albumlista[10] 16 Dutch MegaCharts[11] 33

Singlar År Title Liste Plassering 1978 «Point of Know Return» RPM100 Singles (Canada)[12] 13 Billboard Hot 100 (USA)[13] 28 «Dust in the Wind» RPM100 Singles (Canada)[14] 3 Billboard Hot 100 (USA)[13] 6 Billboard Adult Contemporary (USA)[15] 6 Den franske singellista[16] 22 Dutch MegaCharts[17] 22 Belgian Ultratop (Flandern)[18] 27 New Zealand Singles Chart[19] 36 Australian Singles Chart[20] 52 «Portrait (He Knew)» RPM100 Singles (Canada)[21] 62 Billboard Hot 100 (USA)[13] 64

Salstrofé

Land	Organisasjon	År	Sal
USA	RIAA	1995	4x Platinum (+ 4 000 000)[8]
Canada	CRIA	1978	Platinum (+ 100 000)[22]