Eleftherios Venizelos

Eleftherios Venizelos (23. august 1864–18. mars 1936) var ein gresk kretisk politikar. Han var gresk statsminister i periodane 1910–1915, 1915, 1917–1920, 1924, 1928–1932, 1932 og dessutan 1933, og er ein av dei viktigaste personane i moderne gresk historie. Han har gitt namn til den internasjonale flyplassen i Aten. Han har hatt stor påverknad også etter sin død gjennom venizelismen, ein ideologi inspirert av tankane hans. Innverknaden hans på Hellas var så stor at han er blitt omtalt som «skaparen av det moderne Hellas».^[1]

Eleftherios Venizelos
Fødd	Ελευθέριος Βενιζέλος 23. august 1864 Mourniés
Død	18. mars 1936 (71 år)
Statsborgar av	Hellas, Det osmanske riket, Den kretiske staten
Religion	Ortodoks kristendom
Yrke	politikar, advokat, skribent, journalist, diplomat
Utdanna ved	Nasjonale og Kapodistrias Universitet i Aten
Mor	Stiliani Ploumidaki
Far	Kyriakos Venizelos
Ektefelle	Maria Venizelou, Helena Schilizzi
Barn	Sofoklis Venizelos, Kyriakos Venizelos
Alle verv	Prime Minister of the Cretan State (1910–1910) Hellas’ statsminister (1910–1915) Prime Minister of the Cretan State (1899–1900) Hellas’ statsminister (1915–1915) Hellas’ statsminister (1917–1920) Hellas’ statsminister (1924–1924) Hellas’ statsminister (1928–1932) Hellas’ statsminister (1932–1932) Hellas’ statsminister (1933–1933) President i Hellas' parlament medlem av det greske parlamentet medlem av det greske parlamentet medlem av det greske parlamentet μέλος της Βουλής της Κρητικής Πολιτείας

Venizelos var ein av leiarane for opprøret mot tyrkarane på Kreta i 1897. Då øya fekk sjølvstyre, blei han justisminister der i perioden 1899–1901. Han var forkjempar for at alle grekarar skulle vera samla i eit land. I 1910 flytta han til Athen, der han grunnla Det liberale partiet, og etter det påfølgjande valet blei han statsminister i landet. Gjennom satsingane hans på militæret var landet godt førebudd før Balkankrigen, då dei nordre delane av noverande Hellas blei erobra.