Nasjonale og Kapodistrias Universitet i Aten
From Wikipedia, the free encyclopedia
Remove ads
Nasjonale og Kapodistrias Universitet i Athen, vanlegvis omtalt som berre Universitetet i Athen, er eit gresk universitet som har vore i gang sidan det blei skipa i 1837.[1] Det er den eldste institusjonen for høgare undervising i den moderne staten Hellas.
I dag er universitet den neste største institusjonen for høgare utdanning i Hellas; berre Aristotelesuniversitet i Thessaloniki er større, med over 50 000 studentar. Hovudområdet til universitetet ligg i Ilissia, der fakulteta for vitskap, teologi og filosofi held til. I Goudi finn ein fakultetet for helsevitskap og medisin. Dafni husar undervising i fag som idrett og idrettsvitskap. Fakulteta for mediefag, økonomi, jus og allmenn administrasjon ligg i bygningane i sentrale Aten. Det historiske administrasjonsbygget ligg òg der, i gata Panepistimiou som har namn etter universitet.
Remove ads
Historie
Nasjonale og Kapodistrias Universitet i Athen blei grunnlagt den 3. mai 1837 og blei då mellombels husa i bygningar teikna av arkitektane Stamatios Kleanthis og Eduard Schaubert. Desse lokala låg ved foten av den nordlege skråninga av Akropolis. Dette var det første universitetet ikkje berre i den nyleg etablerte greske staten, men på heile Balkan og den austlege delen av Middelhavet.[2]
Før universitet blei omdøypt for å æra Ioannis Kapodistrias, den første statssjefen i det uavhengige, moderne Hellas, var læresteden kjend som Det ottonianske universitetet etter kong Otto og bestod av fire fakultet: teologi, jus, medisin og filosofi (som òg omfatta anvend forsking og matematikk). Det hadde 33 professorar, 52 studentar og 75 ikkjematrikulerte «revisorar». I november 1841 byrja undervisinga i ein ny bygning utforma av den danske arkitekten Christian Hansen. Bygningen Propylaea (37°58′51″N 23°44′02″E 37°58′51″N 23°44′02″E) var designa av den yngre broren hans, Theophilus Hansen i 1859, men byggeprosjektet blei ikkje fullført før i 1885.[3]
I 1843 bytta universitetet namn til Det nasjonale universitetet. Dagens formelle namn, Nasjonale og Kapodistrias Universitet i Athen, blei vedteke i 1911 etter at forretningsmannen Ioannis Dombolis, som var ein ven av politikaren Ioannis Kapodistrias, skjenka ein stor pengesum til etableringa av eit universitet til ære for Kapodistrias.
På 1960-talet byrja bygginga av campusen til universitetet i forstaden Ilissia. På 2000-talet heldt skulane for filosofi, teologi og vitskap til i dette bygningskomplekset.[1]
Remove ads
Fakultet og avdelingar
Universitet i Athen er delt inn i «skular» (engelsk schools) og fakultet (engelsk departments). På gresk har ein brukt begrepene «σχολές», «τμήματα» og «τομείς».[5] Lista under bruker fagnemningar som ligg nærast dei tilsvarande nemningane på norske universitet.
- Fakultet for agrikultur, ernæring og berekraft[6]
- Avdeling for agrikultur, «agrofood» og forvaltning av naturressurser[7]
- Teologisk fakultet[8]
- Avdeling for religionssosiologi
- Avdeling for teologi
- Fakultetet for filosofi[9]
- Avdeling for tysk språk og litteratur
- Avdeling for teatervitskap
- Avdeling for spansk språk og litteratur
- Avdeling for russisk språk og litteratur og slaviske studium
- Avdeling for psykologi[10]
- Avdeling for filosofi, pedagogikk og psykologi[11]
- Avdeling for filologi
- Avdeling for musikkvitskap
- Avdeling for italiensk språk og litteratur
- Avdeling for historie og arkeologi
- Avdeling for fransk språk og litteratur
- Avdeling for engelsk språk og litteratur
- Avdeling for filosofi
- Avdeling for pedagogikk
- Program for studium av det antikke Hellas sin arkeologi, historie og litteratur[12]
- Fakultetet for samfunnsøkonomi og statsvitskap[13]
- Avdeling for samfunnsøkonomi
- Avdeling for Tyrkia-vitenskap og moderne asiatiske studium
- Avdeling for kommunikasjon og mediefag
- Avdeling for statsvitskap og offentleg administrasjon[14]
- Avdeling for sosiologi
- Avdeling for bediftsøkonomi
- Avdeling for havneforvaltning
- Avdeling for digital kunst og film
- Fakultetet for rettsvitenskap[15]
- Fakultetet for rettsvitskap
- Fakultetet for rettsvitskap
- Fakultetet for matematikk og naturvitskap[16]
- Avdeling for fysikk
- Avdeling for biologi
- Avdeling for geologi og geomiljø
- Avdeling for kjemi
- Avdeling for matematikk
- Avdeling for informatikk og telekommunikasjon
- Undervisningsfakultetet[17]
- Helsevitenskapelig fakultet[20]
- Avdeling for medisin
- Avdeling for odontologi (tannlegevitskap)
- Avdeling for farmasi
- Avdeling for sjukepleie
- Uavhengige fakultet[21]
- Fakultetet for kroppsøving og idrettsvitskap
- Fakultetet for grunnskolepedagogikk
- Fakultetet for barneskolepedagogikk
- Fakultetet for kommunikasjon og studium av massemedia
- Fakultetet for filosofi og vitskapshistorie
Remove ads
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads