Elva Vienne

Vienne er ei av dei viktigaste elvane sørvest i Frankrike, og ei stor sideelv til Loire. Ho inneheld fleire demningar for produksjon av vasskraft, og er den største elva i regionen Limousin og den austlege delen av Poitou-Charentes.

For andre tydingar av oppslagsordet, sjå Vienne (fleirtyding).

Vienne
elv
Vienne i Limoges.
Land	Frankrike
Nedslagsfelt	21 105 km²
Lengd	372 km
Middelvassføring	203 m³/s
Kjelde	Plateau de Millevaches
•  høgd	880 moh.
Munning	Loire
Elva Vienne 47.2125°N 0.075277777777778°E / 47.2125; 0.075277777777778
Wikimedia Commons: Vienne River

To franske departement er kalla opp etter Vienne: Haute-Vienne (87) i Limousin og Vienne (86) i Poitou-Charentes.

Elveleie

Vienne har sitt utspring i departementet Corrèze, ved foten av Mont Audouze på Plateau de Millevaches nær Peyrelevade. Ho renn stort sett vestover til byen Limoges, der ho ein gong spela ei viktig rolle i den vidkjende porselenindustrien i byen. Eit lite stykke etter Limoges snur ho nordover. På veg til munningen i Loire mottar Vienne elvane Creuse og Clain. Etter om lag 390 km munnar Vienne ut i Loire ved Candes-Saint-Martin i departementet Indre-et-Loire.

Vienne renn gjennom følgjande departement og byar:

• Corrèze: Peyrelevade
• Creuse
• Haute-Vienne: Eymoutiers, Saint-Léonard-de-Noblat, Limoges, Aixe-sur-Vienne, Saint-Junien
• Charente: Chabanais, Confolens
• Vienne: L'Isle-Jourdain, Lussac-les-Châteaux, Chauvigny, Châtellerault
• Indre-et-Loire: L'Île-Bouchard, Chinon

Bakgrunnsstoff