Emil Karlsen

Emil Ráste Nikolavu Karlsen (fødd i 1997) er ein norsk samisk kunstnar, artist og skodespelar frå Storfjord i Nord-Troms. Karlsen er vokalist og gitarist i poprock-bandet Resirkulert^[1] og har ei solokarriere under kunstnarnamnet Emil Kárlsen. Han vart vald som Riddu Riđđus unge kunstnar i 2019.^[2]

Emil Kárlsen
Fødd	1997 (28 år)
Fødenamn	Čávkkus-Emil
Instrument	vokal, gitar
Verka som	musikar, songar, gitarist
Prisar	Årets unge kunstner

Karlsen under Riddu Riđđu-festivalen 2018

Foto: Ørjan Marakatt Bertelsen

Karlsen er sjøsame og oppvaksen i Oteren i Storfjord kommune. I vaksen alder lærte han seg å joike og gav ut ein joik til bestefaren sin i 2018 som han òg framførte på Nordlysfestivalen.^[3]

I 2021 gav han ut albumet Nágirvárrái saman med artisten Lávre.^[4] Der deltek òg andre samiske musikarar som Katarina Barruk, Ulla Pirttijärvi og Hildá Länsman.

Karlsen debuterte òg som skodespelar i 2021, då han spela Jussi i Beaivváš Sámi Našunálateáhter si oppsetjing av Koke bjørn, basert på boka av Mikael Niemi.^[5][6] I 2023 spela han hovudrolla i stykket Bjørnejegeren Ol-Tomså, også dette hjå Beaivváš.^[7]

Diskografi

Med Resirkulert:

• Du snakke for dæ sjøl (2017)
• For en dag, for et liv (2019)

Soloalbum:

• Nágirvárrái (med Lávre, 2021)
• Binnát (EP, 2024)